پاکستان

ملک میں سونے کی قیمت میں اضافہ، ڈالر کی قدر میں ایک بار پھر کمی

انٹربینک میں رواں ہفتے ڈالر کی قدر 1 روپیہ 16 پیسے کم‘اوپن مارکیٹ میں ڈالر کی قدر 40 پیسے کم ہوکر 159 روپے 30 پیسے ہے

ملک میں سونے کی قیمت میں اضافے اور ڈالر کی قدر میں کمی کا سلسلہ جاری ہے‘ سونا 1400 روپے فی تولہ مہنگا جبکہ ڈالر کی قدر میں مزید 37 پیسے کم ہوئی ہے۔

تفصیلات کے مطابق ملک میں فی تولہ سونا 1400 روپے مہنگا ہوا ہے جس کے بعد ملک میں سونے کی فی تولہ قیمت ایک لاکھ 16 ہزار روپے ہوگئی ہے۔ 10 گرام سونے کی قدر 1200 روپے اضافے کے بعد 99 ہزار 451 روپے ہوگئی ہے جبکہ عالمی صرافہ بازار میں فی اونس سونے کی قدر 40 ڈالر اضافے سے 1958 ڈالر ہوگئی ہے۔ انٹر بینک تبادلہ مارکیٹ میں ڈالرکی قدر مزید 37 پیسے کم ہوئی ہے جس کے بعد ایک ڈالر کی قیمت 159 روپے 9 پیسے ہوگئی ہے۔ اس کمی کے بعد انٹربینک میں رواں ہفتے ڈالر کی قدر 1 روپیہ 16 پیسے کم ہوئی ہے۔ اوپن مارکیٹ میں ڈالر کی قدر 40 پیسے کم ہوکر 159 روپے 30 پیسے ہے۔

Back to top button