پاکستان

کورونا کے وار تیز ہوگئے؛پاکستان میں مزید25 افراد موت کی وادی میں پہنچ گئے

کورونا وائرس کے سبب پاکستان میں مزید25 افراد جان کی بازی ہار چکے ہیں اور مرنے والوں کی مجموعی تعداد 6ہزار968ہوگئی ہے۔

نیشنل کمانڈ اینڈ آپریشن سینٹر کی جانب سے جاری کیے گئے اعدادوشمار کے مطابق گزشتہ24گھنٹوں میں کورونا کے ایک ہزار436نئے کیسز رپورٹ ہوئے اور متاثر ہونے والوں کی مجموعی تعداد 3 لاکھ43 ہزار189 ہوگئی ہے۔پاکستان میں کورونا کے3 لاکھ18 ہزار417 مریض صحتیاب ہوچکے ہیں اور 17 ہزار804 زیر علاج ہیں۔سندھ میں کورونا مریضوں کی تعداد 1لاکھ 49ہزار 542 اور پنجاب میں ایک لاکھ 6 ہزار 577 ہے۔ خیبرپختونخوا40 ہزار397، اسلام آباد21ہزار557، بلوچستان16ہزار55، آزاد کشمیر4 ہزار 703 اورگلگت میں 4358 کیسز رپورٹ ہو چکے ہیں۔

کورونا وائرس کے باعث پنجاب میں 2 ہزار407 اور سندھ میں 2 ہزار 679 اموات ہو چکی ہیں۔ خیبر پختونخوا میں اموات کی تعداد ایک ہزار288، اسلام آباد238، بلوچستان154، ‏گلگت بلتستان93 اور آزاد کشمیر میں109 ہو گئی ہے۔

Back to top button