پاکستان

راحیل شریف،نوازشریف سےکیا چاہتےتھے؟بڑا دعویٰ سامنےآگیا

عبدالقادربلوچ نےدعویٰ کیا ہے کہ نوازشریف نے بتا یا تھا کہ سابق آرمی چیف راحیل شریف مدت ملازمت میں توسیع کےلیےپیچھےپڑگئےتھے

پاکستان مسلم لیگ (ن) سےعلیحدگی اختیارکرنےوالے پارٹی کےسابق صوبائی صدرلیفٹیننٹ جنرل (ریٹائرڈ) عبدالقادربلوچ نےدعویٰ کیا ہے کہ نوازشریف نے بتا یا تھا کہ سابق آرمی چیف راحیل شریف مدت ملازمت میں توسیع کےلیےپیچھےپڑگئےتھے ۔ نجی نیوزچینل کے پروگرام میں سابق رکن قومی اسمبلی جنرل (ر) عبدالقادر بلوچ نے کہا کہ فوج کے سربراہ جنرل (ر) راحیل شریف کی ریٹائرمنٹ کے بعد نوازشریف نے انہیں بتایا تھا کہ راحیل شریف ایکسٹینشن کے لیے پیچھے پڑگئے تھے۔انہوں نے کہا کہ جنرل (ر) راحیل شریف میرے سٹاف آفیسر رہے تھے اورمجھے ان سے بہت امیدیں تھیں۔ انہوں نے کہا کہ یہ میرے لیے بہت مایوسی کی بات تھی اور مجھے سن کر بہت عجیب لگا۔جنرل (ر) عبدالقادر بلوچ نے کہا کہ نواز شریف کا کہنا تھا کہ جب ایک مرتبہ کہہ دیا جائے کہ توسیع نہیں ملنی تو پھر بار بار مطالبہ کیوں؟۔ایک سوال پر عبد القادر بلوچ نے بتا یا کہ پیپلز پارٹی کی قیادت کی جانب سے پارٹی میں شمولیت کے لیے پیغامات ملے اور اسی حوالے سے ایک وفد نے ان سے ملاقات بھی کی تھی۔

Back to top button