پاکستان

شادی پر کروڑوں روپے خرچ کرنے والے صنعتکار کو ایف بی آر کا نوٹس

گوجرانوالہ کے ممتاز صنعت کار کی بیٹی کی مہنگی ترین شادی کے سوشل میڈیا پر چرچوں کے بعد ایف بی آر حرکت میں آگیا۔

گزشتہ دنوں سے سوشل میڈیا پر ممتاز صنعت کار کی بیٹی کی شادی پر اخراجات کے خوب چرچے ہو رہے تھے جس پر فیڈرل بورڈ  آف ریونیو نے نوٹس لے لیا۔ایف بی آر نے صنعت کار شیخ محمود اقبال کو نوٹس جاری کر دیا جب کہ تقریب میں پرفارم کرنے والے گلوکار راحت فتح علی خان اور عاطف اسلم کو ہونے والی ادائیگیوں کے بارے میں بھی وضاحت مانگ لی۔ایف بی آر نے صنعت کار شیخ محمود اقبال کو نوٹس جاری کرتے ہوئے 16 نومبر تک جواب طلب کیا ہے۔

فیڈرل بورڈ آف ریونیو کے مطابق شادی کی تقریبات 5 سے 7 نومبر تک لاہور میں ہوئیں اور اس  پرتعیش شادی پر غیر معمولی اخراجات ہوئے۔

Back to top button