پاکستانفیچرڈ پوسٹ

گلگت بلتستان میں پاکستان تحریک انصاف کیسے حکومت بنائے گی؟ ہارس ٹریڈنگ ہوگی یا دھمکیاں کام دکھائیں گی؟ ہوشرباء خبر آگئی

گلگت بلتستان میں عام انتخابات میں کامیاب ہونے والے 4 آزاد ارکان اسمبلی نے پاکستان تحریک انصاف میں شمولیت کا اعلان کردیا

گلگت بلتستان میں پاکستان تحریک انصاف کیسے حکومت بنائے گی؟ ہارس ٹریڈنگ ہوگی یا دھمکیاں کام دکھائیں گی اس حوالے ہوشرباء خبر سامنے آگئی ہے۔

تفصیلات کے مطابق گلگت بلتستان میں عام انتخابات میں کامیاب ہونے والے 4 آزاد ارکان اسمبلی نے پاکستان تحریک انصاف میں شمولیت کا اعلان کردیا۔ گلگت بلتستان انتخابات کے بعد حکومت سازی کا عمل شروع ہوگیا ہے۔ گلگت بلتستان اسمبلی کے الیکشن جیتنے والے 4 آزاد امیدوار تحریک انصاف میں شامل ہوگئے۔ اس موقع پر آزاد اراکین نے وفاقی وزیر علی امین گنڈا پور، سیف اللہ نیازی اور ارشد داد سے ملاقات کی۔

نومنتخب آزاد ارکان وزیر محمد سلیم، ناصر علی خان، مشتاق حسین اور حاجی عبدالحمید نے پی ٹی آئی میں شمولیت کا اعلان کردیا۔ وزیر محمد سلیم جی بی 9 سے آزاد حیثیت میں منتخب ہوئے۔ ناصر علی خان جی بی 10 نے گلگت بلتستان الیکشن میں کامیابی حاصل کی۔ مشتاق حسین جی بی 22 گانچھے اور حاجی عبدالحمید جی بی 23 گانچھے سے الیکشن جیتنے میں کامیاب ہوگئے ہیں۔ جی بی الیکشن میں تحریک انصاف نے 10 نشستیں، پیپلز پارٹی 3 اور (ن) لیگ نے دو نشستیں حاصل کی ہیں جب کہ 7 نشستوں پر آزاد امیدوار فتح یاب ہوگئے۔ 4 آزاد ارکان کی شمولیت کے نتیجے میں پی ٹی آئی کی نشستیں 14 ہوگئی ہیں اور وہ باآسانی حکومت سازی کرسکتی ہے۔

متعلقہ خبریں