پاکستانفیچرڈ پوسٹ

اگر پاکستان اسرائیل کو تسلیم کر لے تو کیا کیا فائدے مل سکتے ہیں؟ سابق وزیر خارجہ خورشید قصوری نے بڑے راز سے پردہ اٹھا دیا

اسرائیل نے پیشکش کی تھی کہ وہ جدید ترین نینو ٹیکنالوجی پاکستان کے ساتھ شیئر کریں گے اور پاکستان میں آ کر زراعت کا معیار بلند کریں گے

سابق وزیر خارجہ خورشید قصور نے بڑے راز سے پردہ اٹھاتے ہوئے کہا کہ اگر پاکستان اسرائیل کو تسلیم کر لے گا تو اس کے پاکستان کو بڑے فائدے حاصل ہوں گے۔

سابق وزیر خارجہ خورشید محمود قصوری نے دعوی کیا ہے کہ اسرائیل نے پیشکش کی تھی کہ وہ جدید ترین نینو ٹیکنالوجی پاکستان کے ساتھ شیئر کریں گے اور پاکستان میں آ کر زراعت کا معیار بلند کریں گے۔ لیکن ہم نے فلسطین کی آزادی تک اسرائیل کو تسلیم کرنے سے انکار کیا۔ سابق وزیر خارجہ نے کہا کہ پاکستان کی جانب سے اسرائیل کو تسلیم نہ کرنے کا پاکستان کو نقصان ہو رہا ہے۔ اسرائیل نے پیشکش کی تھی کہ وہ زراعت کی جدید ٹیکنالوجی ہمیں دیں گے اور ساتھ نینو ٹیکنالوجی بھی پاکستان کو فراہم کی گئی۔ زراعت میں نینو ٹیکنالوجی کا استعمال کر کے اسرائیل نے صحرا میں باغات بنا لیے ہیں۔ اور اس کیساتھ ہی اسرائیل کی جانب سے عندیہ دیا گیا تھا کہ بھارت کے ساتھ ان کی یکطرفہ پالیسی بھی تبدیل کی جائے گی۔

انہوں نے کہا کہ اسرائیلی وفد کے ساتھ یہ ملاقات ترکی کے توسط سے ہوئی تھی اور اگلے دن میں نے پریس کانفرنس میں اپنا فیصلہ بتانا تھا لیکن اگلے دن میں نے پریس کانفرنس کرتے ہوئے کہا کہ اسرائیل جب تک عرب لیگ کے فیصلے کے مطابق آزاد فلسطین کے منصوبے پر عمل درآمد نہیں کرتا، ہم اسرائیل کو تسلیم نہیں کر سکتے۔ اسرائیل کو صرف اسی صورت میں تسلیم کیا جا سکتا ہے کہ اسرائیل اور فلسطین علیحدہ ریاستیں بن جائیں اور آزاد فلسطینی ریاست کا دارالحکومت یروشلم ہو۔ خورشید محمود قصوری نے مزید کہا کہ اسرائیل کو تسلیم نہ کرنے کا پاکستان کو نقصان ہو رہا ہیکیونکہ اسرائیل کی مدد سے بھارت ایشیا میں ہم پر دبا بنائے ہوئے ہے تو دنیاا بھر کی اور خصوصا امریکہ کی معیشت میں اسرائیل کا بڑا عمل دخل ہے۔

متعلقہ خبریں