پاکستان

” انکوائری کے لئے کیوں بلایا؟”۔۔۔وکلا کا پنجاب بار کونسل کے دفتر پر دھاوا

انکوائری کے لیے طلب کیے جانے پر مشتعل وکلا نے نامعلوم افراد کے ہمراہ پنجاب بار کونسل کے دفتر پر دھاوا بول دیا۔

سوشل میڈیا پر ججز اور وکلا سے متعلق تضحیک آمیز مواد اپ لوڈ کرنے پر کچھ وکلا کو انکوائری کے لیے 8 جنوری کو پنجاب بار کونسل طلب کیا گیا تھا کہ اس دوران وکلا کے ایک گروپ نے پاکستان بار کونسل کے دفتر پر دھاوا بول دیا۔مشتعل وکلا نے پنجاب بار کونسل کے عملے سمیت دیگر افراد پر تشدد کیا اور توڑ پھوڑ کی، اس دوران ایک وکیل زخمی بھی ہو گیا۔زخمی خاتون وکیل نے بتایا کہ ملزمان نے پنجاب بار کے اسٹینو، سیکشن آفیسر اور دیگر عملے کو یرغمال بنایا، پولیس نے ملزمان کی گرفت سے تمام افراد کو بازیاب کرایا ۔تھانہ سول لائن میں درج ایف آئی آر کے مطابق مقدمے میں عامر، ندیم، نسرین چوہان، حنا رحمان، کرامت، ساجد، علی نفیس اور مختار کو نامزد کیا گیا ہے۔

متعلقہ خبریں