پاکستانفیچرڈ پوسٹ

پی ڈی ایم ٹوٹ پھوٹ کا شکار ہے نا ہی اختلافات ہیں، اپوزیشن اتحاد نہیں بلکہ حکومت کو سپرد خاک کرنے کی تیاریاں مکمل کر لی گئیں‘ مریم نواز کی چڑھائی

پی ڈی ایم کی تحریک کو سست سمجھنے والے ناکام ہوں گے‘ میں پی ڈی ایم کی اسٹئیرنگ کمیٹی کے اجلاس میں شرکت کے لیے آئی ہوں

پی ڈی ایم ٹوٹ پھوٹ کا شکار ہے نا ہی اختلافات ہیں، اپوزیشن اتحاد نہیں بلکہ حکومت کو سپرد خاک کرنے کی تیاریاں مکمل کر لی گئیں‘ مریم نواز نے چڑھائی کر دی ہے۔

تفصیلات کے مطابق مسلم لیگ ن کی مرکزی نائب صدر مریم نواز پی ڈی ایم کی اسٹئیرنگ کمیٹی کے اجلاس میں شرکت کے لیے پہنچیں تو انہوں نے صحافیوں سے غیر رسمی گفتگو بھی کی۔ صحافی نے مریم نواز سے سوال کیا کہ پی ڈی ایم سست روی کا شکار کیوں ہے؟ جس پر مریم نواز نے کہا کہ کیا حکومت تیز ہے؟ انہوں نے کہا کہ پی ڈی ایم کی تحریک کو سست سمجھنے والے ناکام ہوں گے۔ مریم نواز نے کہا کہ میں پی ڈی ایم کی اسٹئیرنگ کمیٹی کے اجلاس میں شرکت کے لیے آئی ہوں۔ صحافی نے مریم نواز سے سوال کیا کہ بلاول آج بھی اجلاس میں شریک نہیں ہوئے۔ جس پر مریم نواز نے کہا کہ بلاول بھٹو شاید اسٹئیرنگ کمیٹی کے ممبر نہیں ہیں۔ صحافی نے سوال کیا کہ کیا آپ ممبر ہیں؟ جس پر مریم نواز نے کہا کہ میں خصوصی دعوت پر اجلاس میں شرکت کر رہی ہوں۔

واضح رہے کہ پاکستان ڈیمو کریٹ موومنٹ (پی ڈی ایم)کی اسٹیئرنگ کمیٹی کا اجلاس مولانا فضل الرحمان کے زیر صدارت جاری ہے۔ جس میں مریم نواز، شاہد خاقان عباسی، راجہ پرویز اشرف و دیگر شریک ہیں۔ اجلاس میں اے این پی سے زاہد خان، قومی وطن پارٹی سے سکندر شیر پا، ہاشم بابر، بی این پی مینگل سے جہانزیب جمالدینی، آغا حسن بلوچ، جے یو ائی سے مولانا عبدالغفور حیدری، اکرم خان درانی بھی شرکت کر رہے ہیں۔ نیشنل پارٹی سے میر کبیر، مرکزی جماعت اہلحدیث سے شفیق پسروری، پی کے میپ سے عثمان کاکڑ اجلاس میں شریک ہیں۔ پی ڈی ایم کی اسٹیئرنگ کمیٹی اجلاس میں 19 جنوری کو الیکشن کمیشن کے سامنے ہونے والے مظاہرہ کو حتمی شکل دی جائے گی۔ اجلاس میں لانگ مارچ پر بھی تفصیلی مشاورت ہوگی۔ جبکہ فروری میں ہونے والے مظاہروں کو اسٹیئرنگ کمیٹی میں حتمی شکل دی جائے گی۔ اسمبلیوں سے استعفوں کا معاملہ اسٹیئرنگ کمیٹی اجلاس میں زیر بحث ہوگا۔

متعلقہ خبریں

Back to top button