پاکستان

ریلوے کا بکنگ سسٹم 2 روزسےڈاؤن،حکام کی معذرت

ترجمان ریلوے کے مطابق تمام ریزرویشن آفسز ایک گھنٹہ تک بحال کردیئے جائیں گی

پاکستان ریلوے کے بکنگ سسٹم کو ڈاؤن ہوئے 2 روز ہوگئے، ترجمان کے مطابق ریلوے سرور میں خرابی جلد مکمل طور پر دور کر دی جائے گی۔ ترجمان ریلوے کے مطابق تمام ریزرویشن آفسز ایک گھنٹہ تک بحال کردیئے جائیں گی، ریلوے کے سرور میں خرابی سےٹکٹوں کے حصول میں مشکلات پر مسافروں سے معذرت خواہ ہیں۔ ملک بھر میں دو روز سے ٹرینوں کی بکنگ کا عمل متاثر ہے، پہلے سے بکنگ کروانے والوں کو شدید مشکلات کا سامنا ہے کیونکہ سرور میں ڈیٹا موجود نہیں ہے۔

آن لائن بکنگ کرانے والے مسافروں کے پاس ہارڈ کاپی نہ ہونےکے باعث مشکلات ہیں۔ ریلوے ذرائع کا کہنا ہے کہ کل صبح آٹھ بجے سے بکنگ سسٹم ڈاؤن ہے، مسافروں کی ایڈوانس بکنگ کا عمل بھی رک گیا ہے، روزانہ کی بنیاد پر ٹکٹ جاری کیے جارہے ہیں۔ ترجمان ریلوے کا کہنا ہے کہ آئی ٹی کے سرور میں خرابی پردوسرے دن بھی بحالی کا کام جاری ہے، وزیر ریلوے نے خرابی دور کرکے فوری ٹکٹوں کا حصول یقینی بنانے پر زور دیا ہے۔

متعلقہ خبریں

Back to top button