پاکستان

حکومت کی طرف سے پتنگ بازی کی اجازت دی جا رہی ہے یا نہیں؟ پتنگ بازوں کی امیدوں پر پانی ڈال دینے والی خبر سامنے آگئی

حکومت پنجاب نے بسنت منانے پر پابندی برقرار رکھنے کا فیصلہ کرلیا ہے وزیر قانون اور وزیراعلیٰ کی ملاقات میں بسنت سے متعلق اہم فیصلہ کیا گیا

حکومت کی طرف سے پتنگ بازی کی اجازت دی جا رہی ہے یا نہیں؟ اس حوالے سے پتنگ بازوں کی امیدوں پر پانی ڈال دینے والی خبر سامنے آگئی ہے۔

تفصیلات کے مطابق حکومت پنجاب نے بسنت منانے پر پابندی برقرار رکھنے کا فیصلہ کرلیا ہے وزیر قانون پنجاب اور وزیراعلی کی ملاقات میں بسنت سے متعلق اہم فیصلہ کیا گیا ہے۔ وزیراعلی پنجاب کا کہنا ہے کہ کسی کو بھی پنجاب میں پتنگ بازی کی اجازت نہیں دی جائے گی وزیراعلی کی جانب سے خلاف ورزی کرنے والوں کیخلاف سخت کارروائی کی ہدایت کی گئی ہے۔

ذرائع کے مطابق لاہور، گوجرانوالہ، ساہیوال، فیصل آباد اور راولپنڈی میں بسنت کی تیاریوں کی رپورٹ تھی اطلاعات ہیں کہ کچھ افراد فروری کے دوسرے ہفتے بسنت منانا چاہتے تھے لیکن وزیراعلی پنجاب نے تجاویز اور سفارشات مسترد کردی ہیں۔ صوبائی حکومت نے پتنگیں بیچنے، ڈور بنانے والوں اور اڑانے والوں کے خلاف کارروائی کا حکم دیا ہے وزیراعلی عثمان بزدار کا کہنا ہے کہ پتنگ بازی پر پابندی کے قانون پر عمل درآمد یقینی بنایا جائے اور خلاف ورزی پر قانون کے تحت کارروائی کی جائے خیال رہے کہ ماضی میں پتنگ بازی کے دوران گلے میں ڈور پھرنے سے کئی افراد جان بحق ہوچکے ہیں۔

متعلقہ خبریں

Back to top button