پاکستانفیچرڈ پوسٹ

پاکستانی غریب عوام پر ایک اور تگڑا وار، ہونڈا کی قیمتوں میں ایک ماہ کے دوران دوسری مرتبہ ہوشرباء اضافہ، شہری بلبلا اٹھے

اٹلس ہونڈا نے ایک بار پھر موٹرسائیکلوں کی قیمتوں میں 2400 سے 3400 روپے کا اضافہ کر کے نوٹیفکیشن جاری کر دیا ہے

پاکستانی غریب عوام پر ایک اور تگڑا وارکر دیا گیا کیونکہ ہونڈا کی قیمتوں میں ایک ماہ کے دوران دوسری مرتبہ ہوشرباء اضافہ کر دیا جس کے بعد شہری بلبلا اٹھے ہیں۔

تفصیلات کے مطابق ہونڈا نے ایک ماہ کے دوران دوسری مرتبہ موٹر سائیکلوں کی قیمتوں میں بڑا اضافہ کر دیا ہے۔ اس سے قبل رواں ماہ کے آغاز پر کمپنی کی جانب سے ماڈلز کی قیمتوں میں ایک ہزار سے 3 ہزار روپے تک کا اضافہ کیا تھا۔ پاک وہیلز کے مطابق اٹلس ہونڈا نے ایک بار پھر موٹرسائیکلوں کی قیمتوں میں 2400 سے 3400 روپے کا اضافہ کیا گیا ہے جس کا نوٹیفکیشن جاری کردیا گیا ہے۔نئی قمتوں کا اطلاق یکم فروری 2021 سے ہوگا۔ کمپنی کی جانب سے ہونڈا سی ڈی 70کی قیمت میں 24 سو روپے کا اضافہ کیا گیا۔ اس نئے اضافے کے بعد سی ڈی 70 کی قیمت 79 ہزار 500 روپے سے بڑھ کر 81 ہزار 900 روپے ہوگئی ہے۔ ہونڈا سی ڈی ڈریم کی قیمت میں 24 سو جبکہ پرائڈر کی قیمت میں 3 ہزار روپے کا اضافہ کیا گیا۔ جس کے بعد سی ڈی 70 ڈریم کی قیمت 85 ہزار 500 سے بڑھ کر 87 ہزار 900 روپے جبکہ ہونڈا پرائڈر 100 سی سی کی قیمت ایک لاکھ 10 ہزار 500 روپے سے بڑھ کر ایک لاکھ 13 ہزار 500 روپے ہوگئی ہے۔

اسی طرح اب سی جی 125 کی قیمت 3 ہزار روپے اضافے ایک لاکھ 31 ہزار 900 سے بڑھ کر ایک لاکھ 34 ہزار 900 روپے ہوگئی ہے۔ سی جی 125 ایس ای کو مزید 34سو روپے مہنگا کردیا گیا اور اس کی قیمت ایک لاکھ 59 ہزار 500 سے بڑھ کر ایک لاکھ 62 ہزار 900 روپے ہوگئی ہے۔ سی جی 125 ایف اسپیشل ایڈیشن کی قیمت 34 سو روہے کے اضافے کے ساتھ ایک لاکھ 92 ہزار 500 روپے کی بجائے ایک لاکھ 95 ہزار 900 روپے ہوگئی ہے۔ سی بی 150 ایف کی قیمت میں بھی 34 سو روپے کا اضافہ ہوا ہے اور وہ 2 لاکھ 47 ہزار 500 روپے کی بجائے 2 لاکھ 50 ہزار 900 روپے میں دستیاب ہوگی۔ اس مرتبہ کمپنی کی جانب سے قیمتوں میں اضافے کی وجہ تو نہیں بتائی گئی مگر ممکنہ طور پر روپے کی قدر میں کمی کو ہی جواز بنایا گیا ہوگا۔

متعلقہ خبریں

Back to top button