پاکستان

بھارت کشمیریوں پر ظلم بند کرتے ہوئے اپنی ذمہ داریاں پوری کرے؛ وزیراعظم

 وزیراعظم عمران خان کا کہنا ہے کہ بھارت کشمیریوں پر بہیمانہ جبر بند کرے اور  انسانی حقوق کے حوالہ سے اپنی بین الاقوامی ذمہ داریاں پوری کرے۔

ٹوئٹڑ پر وزیراعظم آفس کی جانب سے جاری ہونے والے بیان میں وزیراعظم عمران خان کا کہنا تھا کہ کشمیریوں کو ان کا ناقابل تنسیخ حق، حق خود ارادیت دینے کے لئے اقوام متحدہ کی زیر نگرانی غیر جانبدارانہ  اور آزادانہ استصواب رائے کے انعقاد کا وعدہ پورا کرے۔

وزیراعظم نے کہا کہ پاکستان اقوام متحدہ کے چارٹر اور اقوام متحدہ کی سلامتی کونسل کی متعلقہ قرار دادوں کے مطابق ناقابل تنسیخ اور جائز حق خود ارادیت کے حصول تک کشمیریوں سے یکجہتی میں غیر متزلزل رہے گا اور یہ جنوبی ایشیا میں پائیدار امن اور سلامتی کے لئے ناگزیر ہے۔

متعلقہ خبریں

Back to top button