پاکستانفیچرڈ پوسٹ

کورونا وائرس کی تیسری لہر، پاکستان کے کس صوبے میں زیادہ اموات ہوئیں‘ حکومت نے کیا اقدامات کیے؟ سنسنی خیز رپورٹ نے سب کو حیران کر دیا

ملک میں کورونا سے سب سے زیادہ اموات کراچی میں ہوئیں اور صوبوں کے اعتبار سے پنجاب میں شرح اموات سب سے زیادہ ہے

کورونا وائرس کی تیسری لہر، پاکستان کے کس صوبے میں زیادہ اموات ہوئیں‘ حکومت نے کیا اقدامات کیے؟ سنسنی خیز رپورٹ نے سب کو حیران کر کے رکھ دیا ہے۔

تفصیلات کے مطابق نیشنل کمانڈ اینڈ آپریشن سینٹر کی رپورٹ میں بتایا گیا ہے کہ پاکستان میں 6لاکھ 2 ہزار افراد کورونا وائرس کا شکارہوئے اور وائرس سے اب تک 13 ہزار 537 اموات ہوچکی ہیں جس میں سب سے زیادہ اموات 61 سے 70 سال کے درمیان افراد کی ہوئی۔ این سی او سی کی رپورٹ میں بتایا گیا ہے کہ 61 سے 70 سال کے3 ہزار836 سے زائد افراد کورونا کے باعث انتقال کرگئے اور 51 سے 61 سال کے 3 ہزار 400 سے زائد افراد کورونا سے جاں بحق ہوگئے جب کہ 71سے 80 سال کے 2 ہزار 400 افراد وائرس سے لقمہ اجل بن گئے۔

رپورٹ کے مطابق کورونا کے باعث سب سے کم اموات ایک سے 10 سال کے متاثرہ بچوں کی ہوئی جس میں ایک سے 10 سال تک کی عمر کے 38 بچے وائرس سے انتقال کرگئے۔ رپورٹ میں بتایا گیا ہے کہ کورونا کے باعث مردوں کی شرح اموات زیادہ رہیں اور پاکستان میں کورونا سے ہونے والی اموات میں 68 فیصد مرد شامل ہیں جب کہ اموات میں خواتین کی شرح اموات 32 فیصد رہی۔ رپورٹ کے مطابق پاکستان میں بڑے شہروں میں کورونا کے باعث سب سے زیادہ اموات کراچی میں ہوئیں جب کہ لاہور دوسرے، راولپنڈی تیسرے اور پشاور چوتھے نمبر پر رہا۔ اس کے علاوہ پاکستان میں سب سے زیادہ شرح اموات صوبہ پنجاب میں ہے جہاں مجموعی طور پر 5ہزار 700 سے زائد افراد وائرس سے انتقال کرگئے جب کہ پنجاب میں کورونا سے انتقال کرنے والوں کی سب سے زیادہ تعداد لاہور میں رہی۔ رپورٹ کے مطابق کورونا کے باعث اموات کے اعتبار سے سندھ دوسرے نمبر پر ہے جہاں وائرس سے 4ہزار 450 سے زائد اموات ہو چکی ہیں۔

متعلقہ خبریں

Back to top button