پاکستان

کورونا نے ایک دن میں 72 زندگیاں چھین لیں؛3200 نئے کیس رپورٹ

ملک میں کورونا سے مزید 72 افراد جاں بحق ہوگئے اور 3200 سے زائد کیسز بھی رپورٹ ہوئے ہیں۔

سرکاری اعداد و شمار کے مطابق گزشتہ 24 گھنٹوں کے دوران ملک بھر میں کورونا کے 39742 ٹیسٹ کیے گئے جن میں سے 3270 افراد میں کورونا وائرس کی تصدیق ہوئی جب کہ وائرس سے 72 ہلاکتیں ہوئیں۔سرکاری پورٹل کے مطابق ملک گزشتہ 24 گھنٹوں کے دوران کورونا کے مثبت کیسز کی شرح  8.22  رہی۔سرکاری پورٹل کے مطابق ملک میں کورونا سے ہلاکتوں کی تعداد 13935 ہوگئی ہے اور مجموعی کیسز 6 لاکھ 33741 تک جاپہنچے ہیں جب کہ فعال کیسز کی تعداد 34535 ہے۔اس کے علاوہ 24 گھنٹوں کے دوران ملک بھر میں 1733 مریض کورونا سے صحتیاب بھی ہوئے ہیں جس کے بعد مجموعی طور پر صحتیاب ہونے والوں کی تعداد 585271 ہوگئی ہے۔

سرکاری پورٹل کے مطابق سندھ میں کورونا کے مریضوں کی مجموعی تعداد 263464 ہوگئی ہے جب کہ 4479 افراد اب تک انتقال کرچکے ہیں۔پنجاب میں کورونا کے کل مریضوں کی تعداد 200969 ہے اور 6039 افراد وائرس میں مبتلا ہوکر جان سے جاچکے ہیں جب کہ بلوچستان میں مریضوں کی کل تعداد 19347 اور ہلاکتیں 203 ہوچکی ہیں۔

خیبرپختونخوا میں کورونا کے مریضوں کی تعداد 80519 اور 2225 ہلاکتیں ہوچکی ہیں جب کہ آزاد کشمیر میں 11792 افراد وائرس میں مبتلا ہوچکے ہیں اور 338 افراد انتقال کرگئے۔

متعلقہ خبریں

Back to top button