پاکستان

حفیظ شیخ کی قربانی،حماد اظہر کےخزانےکی چابی آگئی

وفاقی وزیر حماد اظہرکو وزیرخزانہ مقرر کیے جانے کا نوٹیفکیشن جاری کردیا گیا

حفیظ شیخ کی قربانی،حماد اظہر کےخزانےکی چابی آگئی،کھوج نیوزکے مطابق  وفاقی وزیرحماد اظہرکووزیرخزانہ مقرر کیےجانےکا نوٹیفکیشن جاری کردیا گیا۔ جیونیوز کے مطابق کابینہ ڈویژن نے وفاقی وزیر برائے ریونیو حماد اظہر کو وزارت خزانہ کا قلمدان سونپے جانے کا نوٹیفکیشن جاری کردیا جس کے بعد حفیظ شیخ وزارت خزانہ کے عہدے سے فارغ ہوگئے ہیں۔ واضح رہے کہ وفاقی حکومت نے گزشتہ روز حفیظ شیخ سے وزارت خزانہ کا قلمدان واپس لینے اور وفاقی وزیر حماد اظہر کو یہ ذمہ داری سونپے جانے کا فیصلہ کیا۔

اس حوالے سے حکومتی ترجمان وزیر اطلاعات شبلی فراز کا کہنا تھا کہ و زیراعظم عمران خان نے نئی ٹیم لانے کا فیصلہ کیا ہے اور انہوں نے فنانس کی نئی ٹیم تشکیل دی ہے۔ شبلی فراز نے بتایا کہ ملکی حقائق کو مدنظر رکھ کرفیصلے کیے جاتے ہیں،حماد اظہر اب فنانس ٹیم کی سربراہی کریں گے، غریب لوگوں کو ریلیف دینا ہے، جب کوئی نیا بندہ آتا ہے تو نئی سوچ کے ساتھ آتا ہے۔

متعلقہ خبریں

Back to top button