پاکستانفیچرڈ پوسٹ

بجلی صارفین کو کمر توڑ جھٹکا دینے کا حکومتی پلان سامنے آگیا، عوام پر اب مزید کتنے ارب کا اضافی بوجھ ڈالا جا رہا ہے؟ ہوش اڑا دینے والی خبر نے سب کو چونکا کر رکھ دیا

پہلی سہ ماہی ایڈجسٹمنٹ کی مد میں نیپرا نے بجلی صارفین پر 91ارب 36 کروڑ روپے کا بوجھ منتقل کرنے کی تیاری شروع کردی

بجلی صارفین کو کمر توڑ جھٹکا دینے کا حکومتی پلان سامنے آگیا، عوام پر اب مزید کتنے ارب کا اضافی بوجھ ڈالا جا رہا ہے؟ ہوش اڑا دینے والی خبر نے سب کو چونکا کر رکھ دیا ہے۔

تفصیلات کے مطابق نیپرا نے بجلی صارفین پر 91ارب 36 کروڑ روپے کا بوجھ منتقل کرنے کی تیاری شروع کردی۔ چیئرمین نیپرا توصیف فاروقی کی سربراہی میں بجلی کمپنیوں کی رواں مالی سال کی دو سہ ماہی ایڈجسٹمنٹس کی درخواستوں پر نیپرا میں سماعت ہوئی۔ بجلی کمپنیوں نے پہلی سہ ماہی ایڈجسٹمنٹ کی مد میں صارفین سے 44 ارب 70کروڑ روپے وصولی کی درخواست کی۔ دوسری سہ ماہی ایڈجسٹمنٹ کی مد میں صارفین سے 46ارب 65کروڑ روپے وصول کرنے کی استدعا کی گئی۔ ڈسکوز حکام نے کہا کہ اضافی رقم ادائیگیوں، آپریشنز اینڈ مینٹننس سمیت بجلی نقصانات کی مد میں مانگی گئی ہے۔ چیئرمین نیپرا توصیف فاروقی نے پوچھا کہ لائن لاسز کو کم کرنے کیلئے کیا اقدامات کئے جا رہے ہیں، بجلی کمپنیاں لائن لاسز کو کم کرنے کیلئے پلان دیں، گزشتہ سماعت پر بھی اتھارٹی نے پلان مانگا تھا ابھی تک نہیں ملا۔ نیپرا نے بجلی کمپنیوں کی درخواست پر سماعت مکمل کر لی جس پر فیصلہ بعد میں جاری کیا جائے گا۔

متعلقہ خبریں

Back to top button