وزارت داخلہ کا قلمدان رانا ثناءاللہ کودیا جائےگا

وزیراعظم شہبازشریف آج وفاقی کابینہ میں حصہ داری کے حوالے سے متحدہ اپوزیشن رہنماﺅں سے ملاقات کے دوران حتمی مشاورت کریں گے ۔ ذرائع کے حوالے سے کہا گیا ہےکہ ممکنہ طور پر وزیر داخلہ کا قلمدان رانا ثناءاللہ کو دیا جائے گا ، وزیراعظم آج اتحادی جماعتوں کے سربراہوں سے ملاقاتیں کریں گے جس دوران وفاقی کابینہ میں شامل کیئے جانے والے شخصیات کے نام کو حتمی شکل دی جائے گی ۔ یاد رہے کہ شہبازشریف اہل خانہ سمیت وزیراعظم ہاﺅس میں منتقل ہو گئے ہیں ۔