پاکستان

سعودی ولی عہد کا وزیراعظم شہبازشریف کو ٹیلیفون

شہزادہ محمد بن سلمان نے وزیراعظم شہباز شریف کو ٹیلیفون کیا اوروزارت عظمیٰ کا منصب سنبھالنے پرمبارک باد دی

سعودی ولی عہد شہزادہ محمد بن سلمان نے وزیراعظم شہباز شریف کو ٹیلیفون کیا اوروزارت عظمیٰ کا منصب سنبھالنے پرمبارک باد دی۔ اعلامیے کے مطابق وزیر اعظم شہباز شریف  نے سعودی ولی عہد سےدو طرفہ تعلقات مزید مضبوط بنانے کے لیے مل کر کام کرنے کے عزم کا اظہار کیا۔ وزیر اعظم شہباز شریف نے کہا کہ پاکستان اور سعودی عرب کے مابین تعلقات کو مزید وسعت دیں گے، دونوں ممالک کے درمیان تاریخی اور برادرانہ تعلقات ہیں۔ شہباز شریف نے مزید کہا کہ دونوں ممالک کے مابین سات دہائیوں پر مبنی اسٹریٹیجک تعلقات قائم ہیں، سعودی عرب نے باہمی اور عالمی فورم پر ہمیشہ پاکستان کا ساتھ دیا۔

وزیر اعظم نے سعودی ولی عہد کو یقین دہانی کروائی کہ پاکستان سعودی عرب کے ساتھ ہمیشہ کھڑا رہے گا۔ جاری کردہ اعلامیے کے مطابق دونوں ممالک نے تجارت اور سرمایہ کاری کے مواقع بڑھانے کیلئے مل کر کام کرنے پر اتفاق کیا۔ اعلامیے کے مطابق سعودی ولی عہد نے وزیراعظم شہباز شریف کو جلد دورہ سعودی عرب کی دعوت دی، جبکہ وزیراعظم نے شہزادہ محمد بن سلمان کو دورہ پاکستان کی دعوت دی۔

متعلقہ خبریں

Back to top button

Adblock Detected

We Noticed You are using Ad blocker :( Please Support us By Disabling Ad blocker for this Domain. We don't show any popups or poor Ads.