شہباز شریف نے چوہدری شجاعت کے بیٹے چوہدری سالک کو بڑی خوشخبری سنا دی

وزیراعظم شہباز شریف نے پاکستان مسلم لیگ ق کے سربراہ چوہدری شجاعت حسین کے بیٹے چوہدری سالک کو بھی کابینہ میں شامل کرنے کا فیصلہ کیا ہے۔

تفصیلات کے مطابق وزیراعظم شہباز شریف نے چوہدری سالک کو وفاقی کابینہ کاحصہ بنانے کافیصلہ کیا ہے۔ ذرائع کا کہنا ہے کہ رکن قومی اسمبلی چوہدری سالک آج وفاقی وزیر کا حلف اٹھائیں گے۔ ابھی یہ واضح نہیں کہ انہیں کونسی وزارت دی جائے گی۔ گزشتہ روز آصف علی زرداری نے چوہدری شجاعت حسین سے ملاقات کی تھی اور کہا تھا کہ وہ چوہدری سالک کو کابینہ میں شامل کرنا چاہتے ہیں۔