شوکت ترین نے 20 ہزار ارب قرض لینےکا اعتراف کرلیا
مریم اورنگزیب نےکہا کہ یہ قرض تاریخ پاکستان میں لیے گئےمجموعی قرض کا 76 فیصد ہے
وفاقی وزیراطلاعات مریم اورنگزیب کا کہنا ہےکہ سابق وزیرخزانہ شوکت ترین نےاعتراف کرہی لیا کہ عمران صاحب نے 4 سال میں 20 ہزارارب روپےکا قرض لیا۔ سماجی رابطےکی سائٹ ٹوئٹرپرجاری اپنےبیان میں مریم اورنگزیب نےکہا کہ یہ قرض تاریخ پاکستان میں لیے گئےمجموعی قرض کا 76 فیصد ہے۔ انہوں نےکہا کہ ایسےبہت سےاعتراف ابھی عمران صاحب نےکرنےہیں۔ ان کا یہ بھی کہنا تھا کہ عمران صاحب نے آئی ایم ایف سے سخت شرائط پر معاہدہ کیا اور ڈالر 115 سے 189 پر لے گئے۔
شوکت ترین صاحب نے آخر کار اعتراف کر ہی لیا کہ عمران صاحب نے چار سال کی حکومت میں 20 ہزار ارب روپے کا قرض لیا جو تاریخ پاکستان میں لئے گئے مجموعی قرض کا 76 فیصد ہے۔ ایسے بہت سے اعتراف ابھی عمران صاحب نے کرنے ہیں۔ pic.twitter.com/MHvmpPsafd
— Marriyum Aurangzeb (@Marriyum_A) June 12, 2022
وزیر اطلاعات کا مزید کہنا تھا کہ عمران خان نے مہنگائی، بیروزگاری اور معاشی تباہی کے ظلم ڈھائے۔ مریم اورنگزیب نے کہا کہ قیراط، خیرات اور کرپشن کے ثمراث کا اعتراف بھی جلد ہوگا۔ خیال رہے کہ گزشتہ روز سابق وزیر خزانہ شوکت ترین نے اعتراف کیا تھا کہ قیامِ پاکستان کے بعد ستر برسوں میں جتنا قرضہ لیا گیا، اس کا 80 فیصد نہیں بلکہ 76 فیصد پی ٹی آئی حکومت نے لیا۔
