پاکستان

امن کی خواہش کو ہماری کمزوری نہ سمجھا جائے;وزیراعظم

وزیراعظم شہبازشریف نے کہا ہے کہ بحریہ کا تاریخی اعتبار سے ملکوں کےاسٹریٹجک دفاع میں کلیدی کردارہے، پاک بحریہ ملک کے تحفظ میں اہم کردار ادا کررہی ہے۔

کراچی میں پاکستان نیول اکیڈمی میں پاسنگ آؤٹ پریڈ کی تقریب سے خطاب کرتے ہوئے انہوں نے کہا کہ خوشی ہے کہ آج کی کمشننگ پریڈ میں خواتین کیڈٹس شامل ہیں۔انہوں نے کہا کہ مجھے یقین ہے کہ خواتین کیڈٹس کی کمشننگ ملک کی دیگر خواتین کیلئے مشعل راہ ہوگی، کمیشن حاصل کرنے والے کیڈٹس، مڈشپ مین کے والدین کو مبارکباد پیش کرتا ہوں۔ پاکستان نیول اکیڈمی دوست ملکوں کے کیڈٹس کو بھی بہترین تربیت فراہم کررہی ہے، دوست ملکوں کے یہ کیڈٹس پاکستان کے سفیر کا کردارادا کریں گے۔

شہباز شریف نے کہا کہ کیڈٹس نے بھرپور محنت اور لگن سے مادر وطن کیلئے ذمہ داریاں انجام دینی ہیں، بحریہ کا تاریخی اعتبار سے ملکوں کےاسٹریٹجک دفاع میں کلیدی کردارہے۔

ملکی دفاع مضبوط بنانے میں قوم کو اپنی مسلح افواج پرفخر ہے، پاکستان جغرافیائی لحاظ سےایک اسٹریٹجک مقام پر واقع ہے، قومی ترقی کے منصوبوں کو تیزی سے مکمل کرنا ہے۔

پاکستان بحریہ ملکی سمندری تحفظ میں اہم کردار ادا کررہی ہے، ایک مضبوط بحریہ کی پہلےسے کہیں زیادہ اب ضرورت ہے، پرامن بقائے باہمی، ہمسایوں کے ساتھ اچھے تعلقات پر یقین رکھتے ہیں۔

ہماری امن کی خواہش کو کمزوری نہ سمجھا جائے، پاکستان کی مسلح افواج ہر خطرے سے نمٹنے کی صلاحیت رکھتی ہے، قائداعظم پاکستان کو دنیا کیلئے رول ماڈل کے طور پر چاہتے تھے۔

متعلقہ خبریں

Back to top button

Adblock Detected

We Noticed You are using Ad blocker :( Please Support us By Disabling Ad blocker for this Domain. We don't show any popups or poor Ads.