پاکستانفیچرڈ پوسٹ

اگر ضمنی انتخابات میں دھاندلی ہوئی تو کیا سب سے زیادہ نقصان اسٹیبلشمنٹ کو ہوگا؟ سابق وزیر داخلہ شیخ رشید نے بڑا دعویٰ کر کے قومی سیاست میں کھلبلی مچا دی

پنجاب کے ضمنی انتخاب میں دھاندلی ہوئی تو سب سے زیادہ نقصان اسٹیبلشمنٹ کا ہوگا: شیخ رشید نے بڑا بیان داغ دیا

اگر ضمنی انتخابات میں دھاندلی ہوئی تو کیا سب سے زیادہ نقصان اسٹیبلشمنٹ کو ہوگا؟ سابق وزیر داخلہ شیخ رشید نے بڑا دعویٰ کر کے قومی سیاست میں کھلبلی مچا دی ۔

تفصیلات کے مطابق عوامی مسلم لیگ کے رہنما شیخ رشید احمد کا کہنا ہے کہ پنجاب کے ضمنی انتخاب میں دھاندلی سے سب سے زیادہ نقصان اسٹیبلشمنٹ کا ہوگا۔ اسٹیبلشمنٹ اوراداروں سے درخواست ہے کہ ضمنی الیکشن شفاف ہونے دیا جائے۔ شیخ رشید کا کہنا تھا کہ آرٹیکل چھ کا نام لینے سے پہلے وضو کرنا پڑتا ہے۔ انہوں نے کہا کہ ووٹ کو عزت دو لیکن لوٹے کو عزت دی۔ 15 سے 30 اگست کے درمیان اہم فیصلے ہوں گے۔ سپریم کورٹ کے فیصلے سے عمران خان کے بیانیے کو کوئی فرق نہیں پڑتا۔

انہوں نے کہا کہ پولیس کی پاکستان میں کوئی اوقات نہیں ہے۔ رینجرز 25 تاریخ کو نہ نکلتی تو پولیس نے ہتھیار پھینک دئیے تھے۔ میں پونے چار بجے لانگ مارچ میں شرکت کے لئے پہنچ گیا تھا۔ بورڈ کی جانب سے مجھے دی گئی سیکورٹی واپس لے لی گئی۔ شیخ رشید نے مزید کہا کہ پیٹرول میں کم کئے گئے تھوڑے سے پیسے جوتی پر وار کر پھینک دئیے گئے۔ نواز شریف کی علیحدہ رائے ہے، آصف زرداری اور شہباز شریف کی علیحدہ رائے ہے۔عمران خان کا بیانیہ چوروں اور لٹیروں کے خلاف ہے۔اگر ہمت ہے تو عمران خان کو پکڑیں وہ لاہور آ رہا ہے۔

متعلقہ خبریں

Back to top button

Adblock Detected

We Noticed You are using Ad blocker :( Please Support us By Disabling Ad blocker for this Domain. We don't show any popups or poor Ads.