پاکستان

عمران نیازی کےتباہ کن دورکو یادرکھیں،وزیراعظم کا ووٹرزکو پیغام

شہباز شریف نے کہا ہے کہ ضمنی انتخاب میں ووٹ ڈالتے ہوئے پنجاب کے عوام عمران نیازی حکومت کے پونے 4 سالہ سیاہ دور میں ہونے والی تباہی کے بارے میں ضرور سوچیں

عمران نیازی کےتباہ کن دورکو یادرکھیں،وزیراعظم کا ووٹرزکو پیغام، وزیراعظم شہباز شریف نے کہا ہے کہ ضمنی انتخاب میں ووٹ ڈالتے ہوئے پنجاب کے عوام عمران نیازی حکومت کے پونے 4 سالہ سیاہ دور میں ہونے والی تباہی کے بارے میں ضرور سوچیں۔ ٹوئٹر پر علی الصبح جاری بیان میں وزیراعظم نے کہا کہ آپ کا ووٹ ہی آپ کی طاقت ہے۔ اس طاقت سے  انتشار، نفرت اور تقسیم کی سیاست کومسترد کریں۔ایک شخص کی انا،اندازِ سیاست اور نااہلی نےہمارے معاشرےکے حسن کو تہ و بالا کرکے رکھ دیا ہے۔ اپنا ووٹ قومی ترقی اور اپنے بچوں کے روشن مستقبل کے لیے ڈالیں۔  مجھے آپ کی قوتِ انتخاب پر پورا بھروسا ہے۔

شہباز شریف کا کہنا تھا کہ پنجاب کو پونے4 سال بدترین گورننس کا نشانہ بنایا گیا۔ شہریوں کو مفت ادویات اور طلبہ کو وظائف سےمحروم کیا گیا۔ سرکاری آسامیوں اورتبادلوں کی کھلےعام خرید و فروخت کی گئی۔ شہری سہولیات کی حالت ابتر اور لاقانونیت عروج پررہی۔ پنجاب کی جو حالت کی گئی، وہ پنجاب کےلوگوں کی توہین سےکم نہیں۔

وزیراعظم نے مزید کہا کہ پنجاب کےضمنی انتخابات میں اپنا ووٹ ڈالتےہوئے عمران نیازی حکومت کےپونے 4سالہ سیاہ دورکی کرپشن،نا اہلی،معاشی تباہی،مافیا کی سہولت کاری و سرپرستی اورتبدیلی کےنام پر برپا کی گئی تباہی کےبارے ضرور سوچیئےگا۔ پاکستان PTI کےدور میں اپنی منزل سےدور ہوگیا۔اس کا اظہار آپ نےاپنے ووٹ سےکرناہے۔

متعلقہ خبریں

Back to top button

Adblock Detected

We Noticed You are using Ad blocker :( Please Support us By Disabling Ad blocker for this Domain. We don't show any popups or poor Ads.