پاکستانفیچرڈ پوسٹ

وزیراعلیٰ پنجاب کا سہرا چوہدری پرویز الٰہی کے سر سج گیا، وزارت اعلیٰ کا حلف کب اٹھائیں گے ؟ پی ٹی آئی کی کور کمیٹی اجلاس میں بڑا فیصلہ کر کے سب کی بولتی بند کر دی

کورکمیٹی نے پرویزالٰہی کی بطوروزیراعلیٰ پنجاب نامزدگی کے فیصلے کی توثیق کی'سندھ میں بلدیاتی اور ضمنی انتخابات پر توجہ مرکوز کرنے کا فیصلہ کیا گیا

وزیراعلیٰ پنجاب کا سہرا چوہدری پرویز الٰہی کے سر سج گیا، وزارت اعلیٰ کا حلف کب اٹھائیں گے ؟ پی ٹی آئی کی کور کمیٹی اجلاس میں بڑا فیصلہ کر کے سب کی بولتی بند کر دی ۔

تفصیلات کے مطابق پاکستان تحریک انصاف (پی ٹی آئی)کی کور کمیٹی نے مسلم لیگ (ق)پنجاب کے صدر و اسپیکر پنجاب اسمبلی پرویزالٰہی کی بطوروزیراعلیٰ پنجاب نامزدگی کے فیصلے کی توثیق کر دی۔ پاکستان تحریک انصاف (پی ٹی آئی)کی کور کمیٹی کا اجلاس چیئرمین عمران خان کی زیر صدارت ہوا جس میں کئی اہم فیصلے کیے گئے۔ اعلامیے کے مطابق اجلاس میں پنجاب کے ضمنی انتخابات میں تاریخی کامیابی اور بعد کے لائحہ عمل پرتبادلہ خیال کیا گیا اور آئندہ کی تنظیمی و سیاسی حکمت عملی پر بھی گفتگو کی گئی۔ تحریک انصاف کا کہنا ہے کہ کورکمیٹی نے پرویزالٰہی کی بطوروزیراعلیٰ پنجاب نامزدگی کے فیصلے کی توثیق کی۔ اجلاس میں سندھ میں بلدیاتی اور ضمنی انتخابات پر توجہ مرکوز کرنے کا فیصلہ کیا گیا جبکہ سندھ کے انتخابات سے متعلق حکمت عملی کے اہم نکات کی بھی منظوری دی گئی۔

اجلاس میں ملک گیر رکنیت سازی میں تیزی لانے پر بھی اتفاق کیا گیا۔ اعلامیے کے مطابق عمران خان نے شدید دباؤ کے باوجود کامیاب انتخابی مہم پر ذمہ داران اور کارکنان کو شاباشی دی اور ووٹرزخصوصا خواتین اور نوجوانوں کا شکریہ ادا کیا۔ عمران خان کا کہنا تھاکہ پاکستان کی نظریاتی اساس کو کمزور کرنے والے ملک کمزور کرتے ہیں، انتخابات میں ساری قوتیں یکجا مگر معاملہ روایتی سیاست سے اوپر اٹھ چکا۔

انہوں نے کہا کہ عوامی قوت کو حقیر سمجھنے کی غلطی کبھی نہ کی جائے، ہمارے معاشی مسائل کا حل ملت کے احیا میں پوشیدہ ہے۔ ان کا کہنا تھاکہ بیرونِ ملک پاکستانی حقیقی اثاثہ ہیں، پاکستان فلاحی ریاست کی جانب بڑھنے پر اسٹینفورڈیونیورسٹی کی رپورٹ دیکھ کرخوشی ہوئی۔ خیال رہے کہ پنجاب اسمبلی کی 20 نشستوں پر ہونے والے ضمنی انتخابات میں پاکستان تحریک انصاف نے15 اور مسلم لیگ (ن)نے 4 نشستوں پر کامیابی حاصل کرلی جبکہ ایک نشست آزاد امیدوار کے حصے میں آئی۔ پی ٹی آئی کی کامیابی اور کور کمیٹی سے توثیق کے بعد ق لیگ کے پرویز الہی کے وزیراعلی پنجاب بننے کی راہ ہموار ہوگئی ہے اور سپریم کورٹ کے حکم کے مطابق 22 جولائی کو وزارت اعلی کا انتخاب ہوگا۔

متعلقہ خبریں

Back to top button

Adblock Detected

We Noticed You are using Ad blocker :( Please Support us By Disabling Ad blocker for this Domain. We don't show any popups or poor Ads.