پاکستانفیچرڈ پوسٹ

ملک میں قبل از وقت انتخابات کی گونج، سابق وزیراعظم میاں نواز شریف کیا چاہتے ہیں؟ ایسا دعویٰ سامنے آگیا کہ قومی سیاست میں نیا طوفان برپا ہوگیا

نواز شریف نے پارٹی کی سینئر قیادت سے مرکز میں حکومت چھوڑنے کے آپشن پر بات کرتے ہوئے فوری عام انتخابات کی حمایت کر دی ہے

ملک میں قبل از وقت انتخابات کی گونج، سابق وزیراعظم میاں نواز شریف کیا چاہتے ہیں؟ ایسا دعویٰ سامنے آگیا کہ قومی سیاست میں نیا طوفان برپا ہوگیا ۔

تفصیلات کے مطابق ذرائع نے تصدیق کی ہے کہ نواز شریف نے پارٹی کی سینئر قیادت سے مرکز میں حکومت چھوڑنے کے آپشن پر بات کی ہے، نواز شریف وزیراعظم شہباز شریف سمیت پارٹی کے اعلی رہنماؤں اور پاکستان ڈیموکریٹک موومنٹ سے بھی کئی بار اس پر بات کر چکے ہیں۔ ذرائع کا بتانا ہے کہ نواز شریف نے مشورہ دیا کہ حکومت میں مزید رہنا مسائل کو حل کرنے کے بجائے مزید مسائل پیدا کرنے کا عندیہ دے رہا ہے جب کہ حکومت کو تمام ریاستی اداروں سے حقیقی حمایت حاصل ہونی چاہیے تھی۔ ذرائع کے مطابق آصف زرداری اور مولانا فضل الرحمان سمیت پی ڈی ایم کے رہنماں نے اب تک حکومت چھوڑنے کے خیال کی مخالفت کی ہے لیکن پرویز الہی کو پنجاب کا وزیراعلی بنانے کے سپریم کورٹ کے فیصلے سے اس کے امکان دکھائی دے رہے ہیں۔ ذرائع نے بتایا کہ نواز شریف نے اپنی پارٹی رہنماں کو بتایا ہے کہ عمران خان کی عدم اعتماد کے ووٹ میں برطرفی کے بعد شہباز شریف کی حکومت کے لیے شروع ہی سے رکاوٹیں کھڑی کی گئی تھیں، اختیارات نہ ہونے کی صورت میں حکومت میں رہنے سے پارٹی کو نقصان ہو سکتا ہے۔

متعلقہ خبریں

Back to top button

Adblock Detected

We Noticed You are using Ad blocker :( Please Support us By Disabling Ad blocker for this Domain. We don't show any popups or poor Ads.