پاکستان

وزیراعظم کا دورہ بلوچستان، بچے سے کی گئی گفتگو کی ویڈیو وائرل

وزیراعظم نے وزیراعلیٰ بلوچستان میر عبدالقدوس بزنجو اور وفاقی وزرا کے ہمراہ بلوچستان کے سیلاب سے متاثرہ علاقوں کا دورہ کیا

وزیراعظم میاں شہباز شریف کے دورہ بلوچستان کے موقع پر سیلاب سے متاثر ایک بچے کے ساتھ بات چیت کی ویڈیو وائرل ہو گئی ہے۔

تفصیلات کے مطابق وزیراعظم شہباز شریف نے وزیراعلیٰ بلوچستان میر عبدالقدوس بزنجو اور وفاقی وزرا ء کے ہمراہ بلوچستان کے سیلاب سے متاثرہ علاقوں کا دورہ کیا۔ شہباز شریف قلعہ سیف اللہ پہنچے جہاں انہوں نے سیلاب زدگان کے لیے لگائے گئے کیمپوں میں جا کر امدادی کارروائیوں کا جائزہ لیا اور متاثرین سے ملاقات بھی کی۔ اس موقع پر ایک بچے نے وزیر اعظم سے اپنے علاقے میں ناقص تعلیم کے نظام کی شکایت کی۔ بچے نے کہا کہ یہاں تعلیم کا مسئلہ ہے، سرکاری اسکول میں اگر ہم جائیں تو وہاں اساتذہ نہیں آتے، اپنی نوکری ٹھیک طرح سے نہیں کرتے اور وقت پر آتے بھی نہیں ہیں۔ وزیر اعظم نے سوال کیا کہ بیٹا اب تک جو تعلیم حاصل کی، کیا وہ گھر میں کی ہے؟طالب علم نے بتایا کہ تھوڑا ٹیچر کی مدد سے کی اور کچھ ٹیوشن پر جاتا تھا۔ شہباز شریف نے کہا ‘اس بچے کو اعلی تعلیم دلوائی جائے، جہاں یہ بچہ چاہے اسے داخلہ دلوایا جائے، اسے مفت تعلیم فراہم کی جائے گی’۔

متعلقہ خبریں

Back to top button

Adblock Detected

We Noticed You are using Ad blocker :( Please Support us By Disabling Ad blocker for this Domain. We don't show any popups or poor Ads.