پاکستان

سکیورٹی فورسز کی دہشتگردوں کیخلاف کارروائی، کیپٹن سمیت 5 جوان شہید

آپریشن کے دوران پاک فوج اوردہشت گردوں کے درمیان فائرنگ کے تبادلے میں 4 دہشت گرد مارے گئے: آئی ایس پی آر

شمالی وزیرستان میں دہشت گردوں کے خلاف سکیورٹی فورسز نے خفیہ اطلاعات پر کارروائی کی جس میں سکیورٹی فورسز کے کیپٹن سمیت 5 جوان شہید ہوگئے ۔

تفصیلات کے مطابق پاک فوج کے شعبہ تعلقات عامہ نے بتایا ہے کہ سکیورٹی فورسز نے شمالی وزیرستان کے علاقے بویا میں خفیہ اطلاعات پرآپریشن کیا۔ آئی ایس پی آر نے بتایا کہ آپریشن کے دوران پاک فوج اوردہشت گردوں کے درمیان فائرنگ کے تبادلے میں 4 دہشت گرد مارے گئے۔ آئی ایس پی آرکے مطابق دہشت گردوں سے مقابلے میں پاک فوج کیکیپٹن سمیت 5 جوان شہید ہوگئے۔

آئی ایس پی آر کا کہنا ہے کہ آپریشن میں وانا کے رہائشی 26 سالہ کیپٹن عبدالولی، نائب صوبیدار نواز، حوالدار غلام علی، لانس نائیک الیاس اور سپاہی ظفر اللہ نے جام شہادت نوش کیا۔ شہید نائب صوبیدار نواز کا تعلق ایبٹ آباد، لانس نائیک الیاس شہید اور سپاہی ظفر اللہ شہید کا تعلق میانوالی جبکہ حوالدار غلام علی شہید کا تعلق سرگودھا سے ہے۔ آئی ایس پی آر کے مطابق آپریشن میں مارے گئے دہشت گردوں سے اسلحہ اور گولہ بارود برآمد ہوا جبکہ ہلاک دہشت گردسکیورٹی فورسز کے خلاف دہشت گردی کی کارروائیوں اور شہریوں کے قتل میں ملوث تھے۔ آئی ایس پی آر نے بتایا کہ علاقے سے دہشت گردوں کے خاتمے کیلئے کلیئرنس آپریشن جاری ہے، پاک فوج ملک سے دہشت گردی کے خاتمے کیلئے پرعزم ہے، ہمارے بہادر جوانوں کی قربانیاں رائیگاں نہیں جائیں گی۔

متعلقہ خبریں

Back to top button

Adblock Detected

We Noticed You are using Ad blocker :( Please Support us By Disabling Ad blocker for this Domain. We don't show any popups or poor Ads.