پاکستانفیچرڈ پوسٹ

یوٹیلیٹی سٹورز پر مختلف برانڈز کی متعدد اشیاء کی قیمتوں میں ایک بار پھر اضافہ، شہری گھنٹوں لائنوں میں لگنے کے باوجود مہنگے داموں اشیاء خریدنے پر مجبور

ایک کلو کپڑے دھونے کا پاؤڈر 75 روپے 'بچوں کے ڈائپر 348 روپے ، ڈائپر کا سمال سائز کا پیک 1700 روپے کا کر دیا گیا

یوٹیلیٹی سٹورز پر مختلف برانڈز کی متعدد اشیاء کی قیمتوں میں ایک بار پھر اضافہ، شہری گھنٹوں لائنوں میں لگنے کے باوجود مہنگے داموں اشیاء خریدنے پر مجبور ہوگئے ہیں۔

تفصیلات کے مطابق یوٹیلیٹی کی طرف سے جاری ہونے والے نوٹیفیکیشن میں بتایا گیا ہے کہ ایک کلو کپڑے دھونے کا پاڈر 75 روپے جبکہ بچوں کے ڈائپر 348 روپے تک مہنگے کر دیے گئے ، ڈائپر کا سمال سائز کا پیک 1352 سے بڑھا کر 1700 روپے کا کر دیا گیا۔ نوٹیفیکیشن کے مطابق 100 گرام ٹوتھ پیسٹ کی قیمت 10 روپے تک اضافے کے بعد 133 روپے سے بڑھا کر 143 روپے ہو گئی۔ 200 ملی لیٹر (ایم ایل)باڈی واش 30 روپے تک مہنگا کردیا گیا جبکہ 275 گرام ڈش واش کی قیمت میں 50 روپے تک اضافے کے بعد 275 گرام ڈش واش 90 روپے سے بڑھ کر 140 روپے کا ہوگیا ہے۔

یوٹیلٹی اسٹورز کارپوریشن کی جانب سے جاری کردہ نوٹیفیکیشن کے مطابق ٹشو پیپر کے ڈبے کی قیمت میں بھی 11 روپے تک اضافہ کیا گیا ہے جبکہ 800 ایم ایل کیڑے مار اسپرے کی قیمت میں 300 روپے اضافے کے بعد 800 ایم ایل کیڑے مار لکوئڈ 490 روپے سے بڑھ کر 790 روپے کا ہو گیا۔ نوٹیفیکیشن میں 300 گرام شہد کے جار کی قیمت میں 60 روپے، سبز قہوہ کے 45 گرام پیک کی قیمت میں 20 روپے، 250 گرام میکرونی کی قیمت میں 11 روپے، 66 گرام نوڈلز کی قیمت میں 5 روپے جبکہ اچار، مختلف برانڈز کے بسکٹ، جیلی اور صرف کی قیمت میں بھی اضافہ کیا گیا ہے۔

متعلقہ خبریں

Back to top button

Adblock Detected

We Noticed You are using Ad blocker :( Please Support us By Disabling Ad blocker for this Domain. We don't show any popups or poor Ads.