پاکستان

کمشنر اور دودھ فروشوں میں مذاکرات کامیاب، دودھ کی قیمت میں 50 روپے فی لیٹر اضافہ

کراچی میں دودھ 120 روپے سے بڑھا کر 170 روپے لیٹر کردیا گیاجبکہ ڈیری فارمرز کو دودھ کی نئی قیمتوں کا تعین سے آگاہ کردیا ہے

کراچی میں کمشنر اور دودھ فروشوں کے درمیان مذاکرات کامیاب ہو گئے ہیں جس کے بعد دودھ کی سرکاری قیمت میں یکدم 50 روپے فی لیٹر اضافہ کر دیا گیا ہے۔

تفصیلات کے مطابق کمشنر کراچی اور دودھ فروشوں کے درمیان مذاکرات کے دوسرے دن دودھ کی فی لیٹر قیمت میں 50 روپے اضافہ کیا گیا ہے اور نئی قیمت 170 روپے مقرر کی گئی ہے جس پر دودھ فروش ناراض ہوگئے۔ نوٹیفکیشن کے مطابق کراچی میں دودھ 120 روپے سے بڑھا کر 170 روپے لیٹر کردیا گیا ہے۔ کراچی کیٹل اینڈ ڈیری فارمر ایسوسی ایشن ذرائع کے مطابق کمشنر کراچی نے ڈیری فارمرز کو دودھ کی نئی قیمتوں کا تعین سے آگاہ کردیا ہے۔

کمشنر کراچی کی جانب سے ڈیری فارمرز کو دودھ 153 روپے فی لیٹر فروخت کرنے کی ہدایت کی گئی ہے اور اس حساب سے ہول سیلرز 160 روپے اور ریٹلرز 170 روپے فی لیٹر دودھ فروخت کرسکیں گے۔ دوسری جانب ڈیری فارمرز نے کمشنرکراچی کی جانب نئی طے کردہ قیمتوں کو مسترد کردیا ہے۔ ڈیری فارمرز ایسوسی ایشن کے رہنما شاکر عمر گجر کا کہنا ہے کہ کمشنر کراچی کا 170 روپیہ فی لیٹر دودھ فروخت کرنے کا نوٹی فکیشن ہمیں تسلیم نہیں۔ عبدالوحید گدی کا کہناتھا کہ اگر انہیں 160 روپے لیٹر میں دودھ ملے گا تو 170 میں بیچیں گے۔ ایڈیشنل کمشنر کراچی سید جواد مظفر کا کہنا ہے کہ دودھ اضافی نرخ پر فروخت کرنے والوں کے خلاف کارروائی کریں گے۔

متعلقہ خبریں

Back to top button

Adblock Detected

We Noticed You are using Ad blocker :( Please Support us By Disabling Ad blocker for this Domain. We don't show any popups or poor Ads.