الوارجن کی گرفتاری کے بعد رہائی،سپر سٹار کا بڑا بیان، بھارت میں ہلچل مچ گئی

تلنگانہ (شوبز ڈیسک) سائوتھ انڈین فلم انڈسٹری کے معروف سپر سٹار کی گرفتاری کے بعد رہائی، الو ارجن کابڑا بیان سامنے آنے کے بعد پورے بھارت میں ہلچل مچ گئی ہے۔

انٹرنیشنل میڈیا رپورٹ کے مطابق الو ارجن نے کہا کہ پریشانی کی کوئی بات نہیں قانون کی پاسداری کرنیوالا شہری ہوں تعاون کروں گا، الو ارجن نے مشکل وقت میں مداحو ں کے سپورٹ پر ان کا شکریہ بھی ادا کیا اور کہا کہیہ میرے اور میرے چاہنے والوں کے لیے ایک مشکل وقت تھا ۔ الو ارجن نے سندھیا تھیٹر میں بھگڈر مچنے کے معاملے پر افسوس کا اظہار کرتے ہوئے کہا کہ پچھلے 20 سالوں سے میں اپنے ماموں کیساتھ فلمیں دیکھنے سینما گھروں جاتا رہا ہوں، یہ ہمیشہ سے ہی ایک خوشگوار تجربہ رہا لیکن اس مرتبہ چیزوں نے ایک غیر متوقع رخ لے لیا۔ الو ارجن کو پشپا 2 کی اسکریننگ کے دوران بھگڈر مچنے کے کیس میں گزشتہ روز ان کے گھر سے گرفتار کیا گیا تھا جس کے بعد اب انھیں 4 ہفتو ں کی عبوری ضمانت پر جیل سے آج صبح سویرے رہا کر دیا گیا ہے۔ بھارتی میڈیا کا بتانا ہے کہ تلنگانہ ہائیکورٹ نے الو ارجن کو 50 ہزار بھارتی روپے کی ضمانت کے مچلکوں پر 4 ہفتوں کی عبوری ضمانت دی ہے۔