بالی ووڈ اداکارہ شردھا کپور نے کہاں سے کیا چوری کیا؟ تفصیلات منظر عام پر آگئیں

ممبئی (شوبزڈیسک )کترینہ کیف اور عالیہ بھٹ کی طرح شردھا نے بھی بزنس کی دنیا میں قدم رکھتے ہوئے ڈیمی فائن جیولری برانڈ کی بنیاد رکھی تھی، جس میں جیولری اسٹرلنگ سلور اور 18 قیراط سونے سے کوٹڈ اسٹین لیس اسٹیل سے تیار کی جاتی ہے۔

شردھا اس برانڈ میں بطور برانڈ ویژنری شامل ہیں، لیکن ان کے برانڈ کو انٹرنیٹ پر شدید تنقید کا سامنا ہے۔ سوشل میڈیا صارفین نے شردھا کے جیولری ڈیزائنز پر معروف لگژری برانڈز، جیسے کارٹیئر، کے ڈیزائنز کی نقل کرنے کا الزام عائد کیا ہے۔

صارفین نے شردھا کے برانڈ کی جیولری کی تصاویر شیئر کرتے ہوئے ان کا موازنہ فرانسیسی لگژری کمپنی کے اصل ڈیزائنز سے کیا اور کہا کہ شردھا کے برانڈ کے ڈیزائن اس معروف برانڈ سے چوری کئے گئے ہیں۔ایک صارف نے تبصرہ کیا کہ مشہور شخصیات کے پاس اصل ڈیزائن تیار کرنے کے لیے بہتر وسائل ہوتے ہیں، پھر جعلی ڈیزائنز کیوں بیچ رہی ہیں؟

ایک اور نے شردھا کے والد شکتی کپور کے مشہور کردار کرائم ماسٹر گوگو کا حوالہ دیتے ہوئے کہا، کرائم ماسٹر گوگو کی بیٹی سے یہی توقع تھی۔