بالی وڈ کی مشہور اداکارہ تمنا بھاٹیا کتنی امیر ہیں؟ تفصیلات منظر عام پر آگئیں

ممبئی(شوبز ڈیسک)21 دسمبر 1989 کو پیدا ہونے والی تمنا بھاٹیا کا تعلق ایک سندھی خاندان سے ہے۔ انہوں نے 13 سال کی عمر میں اداکاری کی تربیت لینا شروع کی۔ ان کی نمایاں فلموں میں چاند سا روشن چہرہ، سری، اور باہوبلی 2: دی کنکلوژن شامل ہیں۔ تمنا نے اب تک 85سے زائد فلموں میں اپنی اداکاری کے جوہر دکھائے ہیں ۔ تمنا بھاٹیا نے اپنی شاندار اداکاری سے دنیا بھر کے لوگوں کو اپنا دیوانہ بنا رکھا ہے ۔

تمنا بالی ووڈ ہو یا ٹالی ووڈ، یہ 35 سالہ اداکارہ بھارتی سینما میں اپنی قابل ذکر خدمات کے لیے جانی جاتی ہیں۔ ان کے شاندار ڈانس مووز اور بہترین اداکاری کی مہارت نے انہیں ایک غیر معمولی فنکارہ کے طور پر پہچان دلوائی ہے۔فلم استری 2 کے مقبول گانے آج کی رات نے نا صرف تمنا کے دلکش انداز کو نمایاں کیا بلکہ انہیں ایک بہترین اداکارہ اور ڈانسر کے طور پر بھی متعارف کروایا۔

تمنا بھاٹیا پرتعیش زندگی کی مالک ہونے کے ناطے، ان کے پاس مہنگی گاڑیاں اور ممبئی میں ایک شاندار اپارٹمنٹ بھی ہے، جس کی قیمت تقریبا 16 اعشاریہ 60 کروڑ روپے ہے۔ رپورٹس کے مطابق، ان کی کل دولت کا تخمینہ 120 کروڑ روپے لگایا گیا ہے۔

تمنا کے پاس مرسیڈیز بینز جی ایل ای 1.02 کروڑ روپے، بی ایم ڈبلیو 320 آئی 43.50 لاکھ روپے، مٹسوبشی پجیرو اسپورٹ 29.96 لاکھ روپے، لینڈ روور رینج روور ڈسکوری اسپورٹ 75.59 لاکھ روپے شامل ہیں۔