ثنا خان نے بیٹے کانام طارق جمیل کیوں رکھا ‘پہلی بار ویڈیوشئیر

لاہور(شوبزڈیسک)بالی وڈ کو خیرباد کہنے والی اداکارہ ثنا خان کے خاوند مذہبی ہیں اور انہوں نے بالی ووڈ کوبھی اسی وجہ سے خیر باد کہا تھا تاہم وہ مولانا طارق جمیل مذہبی سکالر کی پیروکار بھی ہیں۔جب ان کے ہاں بیٹے کی پیدائش ہوئی تو انہوں نے اس کا نام بھی طارق جمیل رکھا تاکہ مولانا جیسی صفات کا مالک بنے۔اب وہ کینسر میں مبتلاء ہیں اور انہوں نے بیٹے طارق جمیل کی پیدائش کے بعد پہلی باراس کی ویڈیو جاری کردی ہے۔ثنا خان نے 2020 میں بالی وڈ کو خیرباد کہہ دیا تھا اور 2021 میں مفتی انس سید سے شادی کی تھی۔

شادی کے بعد ثنا خان خوشگوار زندگی گزار رہی ہیں۔ گزشتہ سال ثنا خان اور مفتی انس سید کے ہاں بیٹے کی ولادت ہوئی تھی۔رواں سال ثنا خان نے شوہر مفتی انس سید اور بیٹے طارق جمیل کیساتھ حج کی سعادت بھی حاصل کی ہے۔اب ثنا خان نے پیدائش کے بعد پہلی بار بیٹے کی ویڈیو جاری کی ہے۔ انہوں نے اپنے آفیشل انسٹاگرام اکانٹ سے بیٹے طارق جمیل کی حج کی ویڈیو جاری کی ہے اور ساتھ لکھا ہمارا چھوٹا حاجی۔انہوں نے مزید کہا کہ یا اللہ مجھے بھی نماز قائم کرنے والا بنا دیجیے اور میری اولاد میں سے بھی ایسے لوگ پیدا فرمائیے جو نماز قائم کرے۔