راحت فتح علی خان کے”محبت بھی ضروری تھی”کو 10 سال مکمل
یو ٹیوب پر 1.6بلین سے زیادہ بار دیکھا گیا'یہ پہلے پرائیویٹریلیز ہوا، بعد میں فلم میں شامل کیا گیا
لاہور(شوبزڈیسک)استاد راحت فتح علی خان کے سپر ہٹ گیت محبت بھی ضروری تھی، کے 10 سال مکمل ہو گئے۔ اس گانے نے مقبولیت کے سارے ریکارڈ توڑے اورصرف یو ٹیوب پر 1.6بلین سے زیادہ بار دیکھا گیا۔ اس گانے نے مقبولیت کے سارے ریکارڈ توڑے اورصرف یو ٹیوب پر 1.6بلین سے زیادہ بار دیکھا گیا۔ انٹرنیشنل میوزک پروڈیوسر سلمان احمدکے پروڈیوس کردہ اس گیت کو ساحر علی بگا نے کمپوز کیا تھا۔
اسکو2014میں دنیا بھر میں ریلیز کیا گیا۔آئفا ایوارڈز میں بالی وڈ کے سپر اسٹار انیل کپور نے اس گانے کے البم کی رونمائی مادھوری ڈکشٹ’ سوناکشی سنہا اور دیگر سپر اسٹارز کی موجودگی میں کی تھی۔ دبئی میں اس گانے کو نامور ہدایتکار مہیش بھٹ نے لاونچ کیا تھا۔استاد راحت فتح علی خان، میوزک پروڈیوسر سلمان احمد اورساحر علی بگا”محبت بھی ضروری تھی” کے دس سال مکمل ہونے پربے حد خوش دکھائی دے رہے ہیں۔
سلمان احمد نے اپنے پروڈیوس کئے ہوئے گانے کے دس سال مکمل ہونے پر دبئی میں دھوم دھام سے کیک کاٹا۔سلمان احمد کا کہنا تھا کہ ہم نے یہ گیت ایسے حالات میں ریلیز کیا تھا، جب میوزیکل البم آنے بند ہوگئے تھے، اس سونگ کی مقبولیت میں ہر سال زبردست اضافہ ہوتا رہا اور آج یو ٹیوب پر 1.6بلین سے زیادہ اس کے ویورز ہیں۔ یہ واحد سونگ تھا جو پہلے پرائیویٹ ریلیز کیا گیا، بعد میں فلم میں شامل ہوا۔
