رومینٹک فلم” صنم تیری قسم ”کے سیکوئل کی تیاریاں’ ماورا حسین کی چھٹی

لاہور(شوبزڈیسک) بالی ووڈ کی 2016 میں ریلیز ہونے والی فلم ”صنم تیری قسم ” اصل میں پرانی فلم کا ریمیک تھا مگر اب بننے جا رہا ہے اس کا سیکوئل ۔ آٹھ سال قبل اس فلم میں پاکستانی اداکارہ ماورہ حسین نے لیڈنگ رول کیا تھا اور ان کے ہیرو تھے ہریش وردھن رانے ۔ اب سیکوئل میں کسے کاسٹ کیا جاتا ہے یہ تو وقت بتائے گا۔البتہ بھارتی میڈیا کے مطابق سیکوئل کا ٹائٹل” جانم تیری قسم ”ہوگا اور اسے ایک میوزیکل فلم کے طور پر پیش کیا جائے گا۔

فلم کے سیکوئل کی ہدایتکاری ایک بار پھر رادھیکا را ئوراکے سپرو کریں گے۔کہا جا رہا ہے کہ سیکوئل میں نئے چہرے نظر آئیں گے اور ہریش وردھن رانے اور ماورا حسین کو دوبارہ کاسٹ نہیں کیا جائے گا۔فلم کے مرکزی کرداروں کے لیے آڈیشنز جاری ہیں اور اس میں 18-20 سال کی عمر کی ایسی لڑکی کی تلاش ہے جو گانے کے ساتھ ساتھ گلوکارہ کی خصوصیات بھی رکھتی ہو جبکہ فلم کی کہانی عاشقی 2 کے طرز پر ہوگی۔