سپرسٹار فواد خان کا موسیقی کی دنیا میں دھماکا”تارا” ریلیز

لاہور(شوبزڈیسک)پاکستان کے سپر ہٹ اداکار و گلوکار فواد خان کا نیا گانا ‘تارا’ ریلیز ہوگیا۔یہ ایک پاپ ٹریک گانا ہے جسے امریکا کے ایم ٹی جی پروڈکشن ہاس کے اشتراک سے تیار کیا گیا ہے۔یہ گانا پاکستانی گلوکار علی عظمت کے مشہور گانے تارا جلا اور امریکی گلوکارہ ریحانہ کے مقبول گانیڈائمنڈز کا خوبصورت مکسچر ہے جس میں دنیا بھر کی بااثرشخصیات کو خراج تحسین پیش کیا گیا ہے۔

فواد خان کے علاوہ اس گانے میں گلوکار بلال علی اور پاکستانی نژاد فلپائنی گلوکارہ ماریہ اونیرا نے بھی اپنی آواز کا جادو جگایا ہے۔یہ گانا رواں ماہ کی 10 تاریخ کو ریلیز کیا گیا تھا جس کی ہدایت کاری ایم ٹی جی پروڈکشن کی بانی ماہین مصطفی نے کی ہے جسے تمام اسٹریمنگ پلیٹ فارمز پر دیکھا جاسکتا ہے۔