لاہور(شوبزڈیسک)بالی وڈ کنگ شاہ رخ خان آنکھوں کے علاج کے لیے جلد امریکا جائیںگے۔بھارتی میڈیا رپورٹس کے مطابق اداکار کو ممبئی میں آنکھوں کے علاج میں پریشانی کا سامنا ہے اور وہ اب اپنے علاج کیلئے امریکا جائیں گے۔21مئی 2024کو شاہ رخ خان نے احمدآباد میں کولکتا نائٹ رائیڈرز کا میچ دیکھا تھا جہاں انہیں ہیٹ سٹروک ہوا جس کے بعد وہ ہسپتال میں داخل ہو گئے لیکن ایک دن بعد انہیں چھٹی دے دی گئی تاہم اداکار اس بار آنکھوں کے علاج کیلئے طبی معائنہ کروائیں گے۔
ایک نئی رپورٹ کے مطابق اداکار آنکھوں کے علاج کیلئے امریکا جائیں گے جس کے لیے وہ آج روانہ ہوجائیں گے۔رپورٹ میں ذرائع کے حوالے سے کہا گیا کہ شاہ رخ خان 29 جولائی کو آنکھوں کے علاج کے لیے ممبئی کے ایک اسپتال گئے تھے لیکن ان کا علاج منصوبے اور ان کی توقعات کے مطابق نہیں ہوا۔رپورٹ میں مزید بتایا گیا ہے کہ شاہ رخ کو اب امریکا لے جایا جا رہا ہے تاکہ ان کی آنکھوں کو ہوئے کسی بھی طرح کے نقصان کا پتہ لگایا جاسکے۔
