شردھا کپور کی”استری2”کا باکس آفس پر راج’کتنے سو کروڑ کمالئے؟

لاہور(شوبزڈیسک)بالی ووڈ کی معروف اداکارہ شردھا کپور اور اداکار راج کمار را کی نئی ہارر کامیڈی فلم استری 2 باکس آفس پر ریکارڈ توڑ بزنس کرتے ہوئے 200 کروڑ کے کلب میں داخل ہوگئی ہے۔15 اگست کو سینما گھروں میں ریلیز والی فلم استری 2 اپنی ریلیز کے چار دن بعد بھی باکس آفس پر راج کررہی ہے اور ہر گزرتے دن کے ساتھ فلم کی کمائی میں اضافہ ہوتا جارہا ہے۔

بھارتی میڈیا کے مطابق شردھا کپور اور راج کمار را کی استری 2 نے اپنی کامیاب اسٹوری لائن، ہارر اور کامیڈی کے تڑکے کی بدولت پوری دنیا میں 200 کروڑ سے زائد کا بزنس کرلیا ہے۔
رپورٹ میں بتایا گیا کہ فلم میں شردھا کپور کے کردار استری کو دنیا بھر کے فلمی شائقین بہت پسند کررہے ہیں، فلم نے اب تک دنیا بھر میں مجموعی طور پر 273 کروڑ روپے کا ریکارڈ توڑ بزنس کرلیا ہے۔

اس سے قبل بالی ووڈ فلموں کے تجزیہ نگاروں نے پیشگوئی کی تھی کہ فلم استری 2 ہفتے اور اتوار یعنی 17 اور 18 اگست کی کمائی کے بعد باکس آفس پر گزشتہ تمام ریکارڈز توڑتے ہوئے ایک نیا ریکارڈ قائم کرے گی۔واضح رہے کہ امر کوشک کی ہدایت کاری میں بننے والی استری 2 میں شردھا کپور اور راج کمار را کے علاوہ پنکج ترپاٹھی، اپارشکتی کھرانہ اور ابھیشیک بنرجی نے بھی مرکزی کردار ادا کیے ہیں۔