صدف کنول کی ماڈلنگ کی راہ میں گھر کے کون لوگ مخالف تھے‘سب بتا دیا

لاہور(شوبزڈیسک)پاکستانی فیشن انڈسٹری کی سُپر ماڈل اور اداکارہ صدف کنول نے انکشاف کیا ہے کہ فیشن کی دنیا میں آنے کے فیصلے پر ان کے والد اور بھائی شدید ناراض ہوگئے تھے مگر میں اپنی ضد پر قائم رہی انور امی کی سپورٹ کی وجہ سے اس فیلڈ میں پیر جما پائی۔صدف کنول کا شمار پاکستان کی سُپر ماڈلز میں ہوتا ہے، اُنہوں نے کم عمری میں ہی ماڈلنگ شروع کردی تھی اور اپنی محنت کی بدولت آج کامیاب ماڈل بن چکی ہیں۔ اُنہوں نے ماڈلنگ کے ساتھ ساتھ اداکاری بھی کی لیکن اُنہوں نے اپنی زیادہ توجہ ماڈلنگ پر ہی مرکوز رکھی۔حال ہی میں ایک انٹرویو کے دوران، صدف کنول نے ماڈلنگ کے اپنے کیریئر کی مشکلات اور جدوجہد کے بارے میں بات کی اور بتایا کہ ماڈلنگ کے فیصلے پر اہل خانہ کا ردعمل شدید تھ

صدف کنول نے کہا کہ میری پھوپھو ندا ممتاز اداکارہ تھیں، اور دادی اداکارہ سلمیٰ ممتاز تھیں جن کو ملکہ جذبات کا خطاب بھی ملا۔ ندا ممتاز نے سلطان راہی جیسے اداکاروں کے ساتھ کام کیا، میں ہمیشہ اپنی پھوپھو کے کام سے متاثر ہوتی تھی اور میں چاہتی تھی کہ میں بھی شوبز انڈسٹری کا حصہ بن جاؤں۔اُنہوں نے کہا کہ میرا یہی شوق مجھے ماڈلنگ کے آڈیشن تک لے گیا۔ میں آڈیشن کے لیے گئی تو وہاں میری سلیکشن ہوگئی اور دیکھتے ہی دیکھتے مجھے مختلف برانڈز کے ساتھ کام ملنے لگا۔

ماڈل نے کہا کہ جب میری فیملی کو معلوم ہوا کہ میں ماڈلنگ کررہی ہوں تو میرے والد اور بھائی بہت غصہ ہوئے اور اُنہوں نے دو سال تک مجھ سے بات نہیں کی۔صدف کنول نے کہا کہ اُس وقت صرف میری والدہ میری حمایت میں میرے ساتھ کھڑی تھیں۔ امی نے مجھ سے کہا تھا کہ گر تم ماڈلنگ کرنا چاہتی ہو تو کر لو۔اُنہوں نے مزید کہا کہ مجھے کیریئر کی شروعات میں اپنے والد اور بھائی کی طرف سے کافی مخالفت کا سامنا کرنا پڑا لیکن آخرکار، وہ سمجھ گئے کہ ماڈلنگ میرا جنون ہے اور میں یہ نہیں چھوڑ سکتی تو میرے والد اور بھائی نے میرے فیصلے کو قبول کیا۔یاد رہے صدف کنول نے اداکار شہروز سبزواری سے شادی کی اس سے پہلے وہ سارہ یوسف کیساتھ شادی کر چکے تھے اب صدف کنول ار شہروز کی ایک بیٹی بھی ہے۔