عارف لوہار کا گیت فیفا ورلڈ کپ کے آفیشل پیج پر

لاہور(شوبز ڈیسک) لوک گلوکار عارف لوہار کا گیت فٹ بال کی عالمی تنظیم فیفا نے اپنے ورلڈکپ آفیشل انسٹا گرام پیج پراپ لوڈ کردیا۔ اور دیکھتے ہی دیکھتے اس کی دھوم مچ گئی۔دیکھا جائے تو گلوکار عارف لوہار اورفٹبال کے پاکستانی مداحوں کو یہ ایک خوشگوار سرپرائز ملا ہے۔فٹ بال کی تنظیم فیفا نے عارف لوہار کا مشہور گیت‘ آ تینوں سیر کراواں“’اپنے آفیشل انسٹاگرام پیج پر شئیر کیا ہے۔ اور یہ بھی عارف لوہار کے گانے کو شہرہ آفاق فٹبالر میسی کی سالگرہ کے موقع پر شئیر کیا گیا۔

فیفا کے آفیشل پیج پر شئیر کی جانے والی ویڈیو میں میسی کے کھیل کے دوران اور ورلڈ کپ جیتنے کے مناظر دکھائے گئے ہیں جبکہ پس منظر میں عارف لوہار کا گانا سنائی دے رہا ہے۔ گانے کے ساتھ اردو میں کیپشن بھی دیا گیا ہے۔ عارف لوہار کے گانے کی ویڈیو سوشل میڈیا پر وائرل ہوگئی۔عارف لوہار کے فینز نے گانا شئیر کرنے پرسوشل میڈیا پر خوشی کا اظہار کرتے ہوئے کہا کہ فیفا بھی عارف لوہار کا مداح ہے۔ ایک اور صارف کا کہنا تھا کہ فیفا عارف لوہار کے گانے کے ذریعے پاکستان میں فٹبال کو پروموٹ کررہا ہے جو کہ اچھی بات ہے