فلم ”غدر 2” کا ٹریلر لانچ، سنی دیول بھی پاک بھارت امن کے خواہاں

ممبئی (شوبز ڈیسک، آن لائن) فلم ”غدر 2” کا ٹریلر لانچ کی تقریب میں بھارتی اداکار سنی دیول کا کہنا تھا کہ پاکستانی اور بھارتی عوام امن اور محبت کے ساتھ رہنا چاہتے ہیں۔

انٹرنیشنل میڈیا کے مطابق بالی ووڈ کے اداکار سنی دیول نے اپنی نئی فلم ‘ غدر 2′ کے ٹریلر لانچ کی تقریب میں میڈیا سے گفتگو میں کہا کہ دونوں ملکوں کے عوام ایک دوسرے کے لیے محبت اور امن چاہتے ہیں لیکن سیاسی کھیل لوگوں میں نفرت پیدا کررہا ہے۔سنی دیول نے کہا کہ بات انسانیت کی ہوتی ہے’ دونوں ممالک کے لوگ ایک دوسرے سے لڑائی نہیں چاہتے۔