ماہرہ خان کے مغربی لباس کی قیمت کیا تھی ؟ سوشل میڈیا پرتبصرے

لاہور(شوبزڈیسک)پاکستان کی اداکارہ ماہرہ خان کی تصاویر اور ویڈیوز سوشل میڈیا پر پوسٹ ہوتی رہتی ہیں اور بحث بھی چلتی رہتی ہے اور بعض بحثیں تو طول پکڑ جاتی ہیں ۔مگر اس بار جو ان کا ڈریس شوٹ تیزی سے وائرل ہورہا ہے۔اس پر صارفین کی جانب سے لباس پر تنقید کے بجائے قیمت پر بات کی جارہی ہے۔سپر اسٹار اداکارہ ماہرہ خان نے آرٹس کونسل آف پاکستان کراچی کی جانب سے سلطانہ صدیقی کے اعزاز میں رکھی گئی تقریب میں شرکت کی۔ اپنی حالیہ انسٹاگرام پوسٹ کے ذریعے تنازع کا شکار بننے والی اداکارہ ایک مرتبہ پھر مغربی لباس زیبِ تن کرنے کے باعث نظروں میں آگئیں۔زیب تن کیے گئے میڈیم گرین کلر کے اے سی میٹریکل پلیٹڈ لباس میں ماہرہ خان انتہائی جاذبِ دکھائی دے رہیں تھیں تاہم اداکارہ کے لباس کی قیمت سوشل میڈیا صارفین کے لیے ایک معمہ بن گئی ہے۔

فوٹو اینڈ ویڈیو شیئرنگ ایپ انسٹاگرام پروائرل ہونے والی ماہرہ خان کی ویڈیوز میں صارفین اندازے لگاتے نظر آ رہے ہیں کہ ماہرہ نے آخر کون سے برانڈ کا لباس زیبِ تن کیا ہے؟۔
اس موقع پر کچھ پیجز کی جانب سے مبینہ طور پر اداکارہ کی ویڈیوز کے ساتھ ان کے ڈریس کی قیمت کا کیپشن لگا کر بھی پوسٹنگ کی جارہی ہے جس سے مداحوں کی مشکلات میں مزید اضافہ ہورہا ہے۔کچھ نے یہ بھی دعوی کیا کہ ڈریس کی قیمت ہزاروں میں ہے جبکہ کچھ پیجز کا کہنا ہے کہ نہیں ماہرہ خان کی جانب سے پہنا گیا لباس قیمتی ہے جوکہ لاکھوں روپوں کا ہے۔

اداکارہ ماہرہ خان کی جانب سے پہنا گیا ون پیس سیمی شارٹ ڈریس مشہور برانڈ مینگو کا ہے۔ماہرہ خان کی جانب سے پہنے گئے ڈریس کی قیمت کوئی زیادہ نہیں بلکہ کلوتھنگ برانڈ مینگو کی ویب سائٹ کے مطابق مذکورہ لباس کی قیمت %30 ڈسکانٹ کے بعد 28 ہزار پاکستانی روپے بنتی ہے۔