شوبز
مصر کی معروف اداکارہ سلوی محمد علی نے انتقال کے بعد کیلئے کونسی ایسی وصیت کی کہ طوفان برپا ہوگا
نیشنل تھیٹر سے ہی میں نے اپنی اداکاری کا خواب مکمل کیا' اس تھیٹر سے میری کئی کامیابیاں جڑی ہیں' اداکارہ کی وصیت نے سوشل میڈیا پر ایک نئے تنازع کو جنم دیدیا ہے
مصر (مانیٹرنگ ڈیسک) مصر کی معروف اداکارہ سلوی محمد علی کی انتقال کے بعد کے لیے کی جانے والی وصیت نے سوشل میڈیا پر طوفان برپا کردیاہے اور ان کے مداحوں نے بے پناہ تبصرے کیے ہیں۔
انٹرنیشنل میڈیا کے مطابق مصر کے نیشنل تھیٹر سے منسلک سلوی محمد علی نے وصیت کی کہ میرے مرنے کے بعد میری لاش کو پہلے تھیٹر سے نکالاجائے اور اس کے بعد نمازہ جنازہ کیلئے مسجد لے جائی جائے ۔ اداکارہ نے اپنی خواہش کی وضاحت کرتے ہوئے بتایا کہ نیشنل تھیٹر سے ہی میں نے اپنی اداکاری کا خواب مکمل کیا، اس تھیٹر سے میری کئی کامیابیاں جڑی ہیں اور یہی وجہ ہے کہ مجھے نیشنل تھیٹر بہت پسند ہے۔ اداکارہ کی وصیت نے سوشل میڈیا پر ایک نئے تنازع کو جنم دیدیا ہے اور اداکارہ کو سوشل میڈیا صارفین کی جانب سے شدید تنقید کا سامنا ہے۔
