منشا پاشا اور صرحا اصغر کے بے ہودہ ڈانس پر تنقید کے نشتر چل گئے

لاہور(شوبزڈیسک) اداکارہ منشا پاشا اور صرحا اصغر کی جانب سے شیئر کی گئی ڈانس پرفارمنس کی ویڈیو وائرل ہوئی۔دونوں اداکارائوں نے انسٹاگرام پر کچھ دن قبل مختصر ڈانس ویڈیو شیئر کی جس میں دونوں کو بولڈ لباس میں دیکھا جا سکتا ہے۔ڈانس ویڈیو میں منشا پاشا نے سفید ٹی شرٹ اور گلابی پینٹ جب کہ صرحا اصغر نے سیاہ لباس پہن رکھا ہے اور دونوں کو میوزک پر ایک جیسے ڈانس اسٹیپ کرتے دیکھا جا سکتا ہے۔

دونوں نے ویڈیو کو شیئر کرتے ہوئے کوئی خاص کیپشن نہیں لکھا، تاہم ویڈیو دیکھتے ہی مداح اور صارفین میں کچھ نے تعریفیں کیں تو زیادہ نے ان کو آڑے ہاتھوں لیا۔ ان کی یہ وڈیو دوسرے شوبز سوشل میڈیا پیجز پر بھی شیئر کی گئی ۔ اور جگہ ان کو تنقید کا سامنا رہا۔دونوں کی ڈانس ویڈیو پر صارفین میں سے ایک نے لکھا کہ بے غیرتی کی بھی کوئی لمٹس ہونی چاہیئیں۔بعض مداحوں نے منشا پاشا کے مقابلے میںصرحا اصغر کے ڈانس اورپھرتی کی تعریفیں کیں۔

اداکاراوں نے ڈانس ویڈیو وائرل ہونے کے بعد ایک اور ویڈیو بھی شیئر کی، جس میں دونوں پہلے میک اپ روم میں جانے کے لیے لڑتی اور بعد ازاں کام کے دوران دوستوں کی طرح ملتی دکھائی دیں۔مداحوں نے اس وڈیو پر تو کوئی تبصرہ نہیں کیا تاہم پہلی وڈیو پر کسی نے کہا کہ اسلام کو بھول گئی ہیں۔ کچھ نے کہا کہ عزت دار گھرانے کی لڑکیاں ایسا نہیں کرتیں۔