مہوش حیات اپنے کرش کیساتھ”ایملی اِن پیرس”میں؟ تصاویر وائرل
فرانسیسی اداکارکارلواس براوو کے کچن میں ان کے ساتھ پروڈیوسر بھی موجود ہیں
لاہور(شوبزڈیسک)پاکستانی فلم و ڈرامہ انڈسٹری کی معروف اداکارہ مہوش حیات کی اپنے کرش اور نیٹ فلکس سیریز ایملی اِن پیرس میں گیبریل کا کردار ادا کرنے والے فرانسیسی اداکار لواس براوو کے ساتھ تصاویر سوشل میڈیا پر وائرل ہوگئیں۔مہوش حیات نے اپنے آفیشل انسٹاگرام ہینڈل پر اپنی چند نئی تصاویر پوسٹ کی ہیں جن میں ان کیساتھمقبول سیریز ایملی اِن پیرس کے اداکار لواس براوو اور پروڈیوسر بھی موجود ہیں۔
مذکورہ تصاویر سیریز کے سیٹ پر کردار گیبریل کے کچن میں لی گئیں جن میں مہوش حیات کو خوشگوار موڈ میں دیکھا جاسکتا ہے۔اداکارہ نے اپنی پوسٹ میں کہا کہ ایملی اِن پیرس کے نئے سیزن کے سیٹ پر لواس براوو اور پروڈیوسر کے ساتھ ملکر بہت اچھا لگا۔انہوں نے کہا کہ دیگر مداحوں کی طرح، میں بھی ایملی ان پیرس کے نئے سیزن کے پریمیئر کے لیے انتہائی پرجوش ہوں۔مہوش حیات نے مزید کہا کہ کسی کو کیا معلوم کہ سیریز کے نئے سیزن میں گیبریل کی محبت کی زندگی میں پاکستانی مسالے بھی شامل ہوں۔
اداکارہ کی اس بات سے مداح اندازہ لگا رہے ہیں کہ شاید ایملی اِن پیرس کے نئے سیزن میں مہوش حیات کی انٹری بھی ہوگی لیکن ابھی تک اداکارہ نے اس حوالے سے کچھ واضح نہیں کیا ہے۔واضح رہے کہ سال 2020 میں مہوش حیات نے اپنی سوشل میڈیا پوسٹ میں انکشاف کیا تھا کہ وہ فرانسیسی اداکار لواس براوو پر فِدا ہیں۔
