نامور کمپنی ایڈیڈاز نےامریکی فیشن ماڈل بیلا حدید سے معافی کیوں مانگی؟وجہ کھل کر سامنے آگئی

میونخ(شوبز ڈیسک)نامور کمپنی ایڈیڈاز نےامریکی فیشن ماڈل بیلا حدید سے معافی کیوں مانگی؟وجہ کھل کر سامنے آگئی۔رپورٹ کے مطابق جرمنی کی نامور کمپنی ایڈیڈاز نے فلسطینی نژاد امریکی فیشن ماڈل بیلا حدید سے معافی مانگ لی۔ غیر ملکی میڈیا رپورٹس کے مطابق جرمن اسپورٹس ویئر کمپنی ایڈیڈاز نے بیلا حدید سے اس وقت معافی مانگ لی ہے،جب انہوں نے اولمپک مہم کے تنازع پر کمپنی کے خلاف قانونی کارروائی کا آغاز کیا۔

خیال رہے کہ دی ایڈ 1972 کے میونخ اولمپک کی 52ویں سالگرہ منا رہا ہے اور برانڈ کا فوکس بہت زیادہ پسند کیا جانے والا کلاسک 1970 کے عشرے کا اسنیکر SL72ہے، جسے ری لانچ کیا جا رہا ہے۔ جرمن کمپنی کی جانب سے جاری کردہ بیان کے مطابق ہماری حالیہ SL72 مہم کی وجہ سے میونخ اولمپکس میں پیش آنے والے تنازع پر ہم معذرت خواہ ہیں۔ ہمارا یہ مقصد نہیں تھا، دنیا بھر کی مختلف کمیونٹیز کو ہماری وجہ سے پہنچنے والی تکلیف کے لیے ہم معذرت خواہ ہیں۔

مذکورہ بیان کے مطابق جرمن کمپنی کا کہنا ہے کہ ان سے نادانستہ طور پر غلطی ہوئی ہے، جس پر وہ بیلا حدید سمیت دیگر تمام ماڈلز اور شراکت داروں سے معذرت خواہ ہیں اور ہم اس مہم پر نظر ثانی کر رہے ہیں۔