سرکاری سکولوں کے اساتذہ کے اوقات کار تبدیل، نئی ٹائمنگ سامنے آگئی

لاہور(کھوج نیوز) صوبائی محکمہ تعلیم نے پنجاب بھر کے سرکاری سکولوں کے اساتذہ کے اوقات کار تبدیل کر دیئے ہیں اور ان کے نئے سکول آنے اور جانے کے اوقات کیا ہیں تفصیل سامنے آگئی۔

تفصیلات کے مطابق صوبائی محکمہ تعلیم نے اساتذہ کے اوقات کار میں تبدیلی کا نوٹیفکیشن جاری کردیا ہے۔نوٹیفکیشن کے مطابق اساتذہ صبح 7 بج کر 45 منٹ پر آئیں گے اور دوپہرڈھائی بجے چھٹی ہوگی۔ نوٹیفکیشن میں بتایا گیا ہے کہ جمعہ کے روز اساتذہ کی چھٹی دوپہر ساڑھے 12 بجے ہوگی اور ہفتے کو اساتذہ صبح 9 سے دوپہر 12 بجے تک ڈیوٹی دیں گے۔