لاہوریوں پر ڈینگی کے خطرات منڈلانے لگے، سینکڑوں شہری وباء میں مبتلا

لاہور (کھوج نیوز) لاہوریوں پر ڈینگی کے خطرات منڈلانے لگے، لاہور میں گزشتہ 24 گھنٹوں کے دوران 1555 مقامات پر ڈینگی لاروا تلف کر کے 95 مقدمات درج کرلئے گئے۔

تفصیلات کے مطابق گزشتہ 24 گھنٹوں کے دوران لاہور کے1555 مقامات سے ڈینگی لاروا برآمد ہونے پر تلف کردیا گیا جبکہ 1460 افراد کو نوٹسز جاری کئے گئے ہیں۔ڈپٹی کمشنر لاہور رافعہ حیدر کے مطابق ایس اوپیز کی خلاف ورزیوں پر 95 مقدمات کا اندراج بھی کیا گیا ہے۔ انہوں نے بتایا کہ رواں سال اب تک 47 ہزار 539 افراد کو نوٹسز جاری کئے گئے جبکہ ایس او پیز کی سنگین خلاف ورزیوں پر 2ہزار 360 مقدمات کا اندراج کروایا جاچکا ہے۔