پاکستان میں سونے کا بھائو تاریخ کی بلند ترین سطح پر پہنچ گیا

کراچی (کھوج نیوز) پاکستان میں سونے کا بھائو تاریخ کی بلند ترین سطح پر پہنچ گیا ہے ۔ سونے کی فی تولہ قیمت میں آج کے دن کتنے روپے اضافہ ہوا؟ اعدادو شمار بھی سامنے آگئے ہیں۔

تفصیلات کے مطابق آل پاکستان جیمز اینڈ جیولرز ایسوسی ایشن کا کہنا تھا کہ فی تولہ سونے کا بھاؤ1100 روپے اضافے سے 2 لاکھ 73 ہزار روپے ہے۔ ایسوسی ایشن کے مطابق عالمی بازار میں سونے کا بھا 11 ڈالر اضافے سے 2 ہزار 628 ڈالر فی اونس ہے۔ ایسوسی ایشن کے مطابق پاکستان میں یہ سونے کی بلند ترین سطح ہے۔ 10 گرام سونے کا بھاؤ943 روپے اضافے سے 2 لاکھ 34 ہزار 53 روپے ہے۔