سوشل ایشوز

دیرینہ دشمنی پر خاتون کی فائرنگ، ایک شخص ہلاک 2 افراد زخمی

پولیس نے ملزمہ کو ہتھیارسمیت گرفتارکرکے ملزمہ کیخلاف انسداددہشت گردی ایکٹ اور قتل، اقدام قتل کی دفعات کے تحت مقدمہ درج کرلیا

نوشہرہ کے احاطہ کچہری میں دیرینہ دشمنی پر خاتون نے مخالفین پر فائرنگ کردی جس کے نتیجے میں ایک شخص ہلاک اور2افرادزخمی ہوگئے، ملزمہ کو موقع پر ہی گرفتار کرلیا گیا۔

پولیس نے ملزمہ کو ہتھیارسمیت گرفتارکرکے ملزمہ کیخلاف انسداددہشت گردی ایکٹ اور قتل، اقدام قتل کی دفعات کے تحت مقدمہ درج کرلیا ہے۔ ملزمہ کیخلاف تھانہ نصیرآبادراولپنڈ ی میں بھی قتل کا مقدمہ درج ہے، ملزمہ ثمینہ نے راولپنڈی کی عدالت سے ضمانت کرارکھی ہے۔ پولیس کے مطابق خاتون ملزمہ اور مقتول کے مابین پرانی دشمنی تھی۔ ملزمہ کے بھائی آصف کو باربانڈہ میں قتل کیا گیا تھا جس کاالزام مقتول لائق خان اور اس کے ساتھیوں پر تھا۔

مقتول ضمانت قبل ازگرفتاری کی سماعت کے لئے نوشہرہ کے ڈسٹرکٹ اینڈ سیشن جج کی عدالت آیا تھا کہ ملزمہ ثمینہ نے اسے فائرنگ کرکے قتل کردیا۔ فائرنگ کی زد میں آکر عدالت میں موجود دو افراد بھی زخمی ہوگئے۔دونوں کی حالت خطرے سے باہرہے۔ ملزمہ کے بھائی ایاز اور رشتہ دار افتخار کیخلاف بھی مقدمہ درج کیا گیا ہے جبکہ ملزمہ کوجسمانی ریمانڈ کے لئے انسداد دہشت گردی عدالت مردان روانہ کردیا گیا ہے۔

Back to top button